Ян Друцкі-Сакалінскі

Ян Друцкі-Сакалінскі (? — 1630) — вялікалітоўскі дзяржаўны дзеяч.

Ян Друцкі-Сакалінскі
маршалак Сойма Рэчы Паспалітай[d]
рэферэндар вялікі літоўскі 16 красавіка 1630 — 1630
Папярэднік	Стэфан Пац
Пераемнік	Крыштаф Дамінік Абрынскі[d]
пісар вялікі літоўскі 17 лістапада 1608 — 1630
Папярэднік	Гальяш Пельгрымоўскі
Пераемнік	Станіслаў Нарушэвіч
пасол на Сойм Рэчы Паспалітай[d]
староста старадубскі[d] 17 мая 1623 — 1630
Пераемнік	Павел Пётр Трызна
староста даўгоўскі[d] з 1613
староста пералайскі[d] з 1613
11-ы староста мсціслаўскі[d] 30 красавіка 1627 — 1630
Папярэднік	Крыштаф Стэфан Сапега
Пераемнік	Юзаф Корсак
староста радамльскі[d]
Нараджэнне	1560
Смерць	1630
Род	Друцкія-Сакалінскія
Бацька	Андрэй Андрэевіч Друцкі-Сакалінскі
Дзеці	Элеанора з Друцкіх-Сакалінскіх[d]
Дзейнасць	дыпламат

Біяграфія

З княжацкага роду Друцкіх-Сакалінскіх герба «Друцк». Сын Андрыяша Друцкага-Сакалінскага.

Дваранін і сакратар вялікага князя літоўскага, пісар вялікі літоўскі з 1608 года, рэферэндар вялікі літоўскі ў 1630 годзе. Вызначыўся падчас удзелу у Вялікім пасольстве ў Маскву 1608—1609 гадоў, потым у паходзе ў Расію 1611—1613 гадоў падчас вайны Рэчы Паспалітай з Расіяй 1609—1618 гадоў. У 1613 годзе атрымаў староствы Даўгоўскае і Пералайскае, пазней Мсціслаўскае, Радамскае і Старадубскае.

У канцы жыцця набыў у стрыечнага пляменніка Стафана Караля маёнтак Камень-Астроўна, які пазней прададзены яго дачкой Элеанорай (жонкай М. А. Хлявіцкага) іншаму родзічу — Крыштофу Міхаілу Друцкаму-Сакалінскаму (нашчадку Міхаіла Васілевіча). У 1631 годзе Элеанора разам з мужам прадалі Льву Сапегу Сянно і Бешанковічы.

Літаратура

• Насевіч В. Друцкія-Саколінскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 603. — 688 с. — ISBN 985-11-0314-4 (т. 1), ISBN 985-11-0315-2.