Ян Караль Даўгяла Завіша

Ян Караль Даўгяла Завіша (польск.: Jan Karol Dowgiałło Zawisza; ? — 9 сакавіка 1661) — рымска-каталіцкі дзеяч ВКЛ, біскуп віленскі. У некаторых даведніках імя памылкова даецца як Юры (Jerzy).

Ян Караль Даўгяла Завіша
біскуп віленскі з 16 кастрычніка 1656
Дыяцэзія	Віленскае біскупства
Папярэднік	Юрый Тышкевіч
Пераемнік	Юрый Белазор
Дзейнасць	каталіцкі святар, каталіцкі біскуп
Нараджэнне	1597
Смерць	9 сакавіка 1661(1661-03-09) Бездзеж, Бездзежскі сельсавет, Драгічынскі раён, Беларусь
Дынастыя	Даўгялы
Бацька	Каспар Янавіч Даўгяла

Прадстаўнік шляхецкага роду Даўгялаў, сын Каспра Янавіча Даўгялы. Вучыўся за мяжою. З 1639 канонік, пазней архідыякан віленскі, рэферэндар і пісар ВКЛ. Біскуп віленскі з 16 кастрычніка 1656. Блізкі супрацоўнік караля Яна Казіміра.

Згодна з тэстаментам біскупа Яна, пасля ягонай смерці ягоныя прыватныя сродкі пайшлі на патрэбы катэдры і на адбудаванне разбуранага вайною касцёла ў Ашмянах.

Літаратура

• J. Kurczewski. Biskupstwo wileńskie od jego założenia aż do dni obecnych, zawierające dzieje i prace biskupów i duchowieństwa djecezji wileńskiej, oraz wykaz kościołów, klasztorów, szkół i zakładów dobroczynnych i społecznych, Wilno, 1912, s. 44-45.
• Herbarz polski Kaspra Niesieckiego, t. X, Lipsk 1845, s. 114.

Спасылкі

• Bishop Jerzy Karol Zawisza †
• Апісанне архіўнага дакумента 1650 г. з подпісам Яна Даўгялы Завішы: Joannes Dowgiałło Zawisza, referendarius et notarius M(agni) D(ucatus) Lith(uaniæ) Архівавана 7 студзеня 2013.