Ян Янавіч Забярэзінскі
(пам. 1538) маршалак вялікі літоўскі, ваявода новагародскі і троцкі
Ян Забярэзінскі (каля 1480 — 1538) — дзяржаўны дзеяч Вялікага Княства Літоўскага.
| Ян Забярэзінскі | |||||||
|---|---|---|---|---|---|---|---|
 Герб «Ляліва» | |||||||
|
|||||||
| Папярэднік | Ян Радзівіл Барадаты | ||||||
| Пераемнік | Мікалай Радзівіл Чорны | ||||||
| Нараджэнне | каля 1480 | ||||||
| Смерць | 1538 | ||||||
| Род | Забярэзінскія | ||||||
| Бацька | Ян Юр’евіч Забярэзінскі | ||||||
| Маці | Ганна Насута | ||||||
| Жонка |
Барбара Кезгайла Соф'я Радзівіл |
||||||
| Дзеці | Ян, Ганна | ||||||
| Дзейнасць | дзяржаўны дзеяч | ||||||
Намеснік ваўкавыскі і крычаўскі, маршалак гаспадарскі ў 1506—1516, ваявода новагародскі ў 1509—1530, намеснік дарагічынскі (1514), маршалак земскі з 1522 і ваявода троцкі з 1531.
У 1529 ставіў у войска 197 коннікаў.
Сям'я правіць
З Забярэзінскіх, сын троцкага ваяводы Яна Юр'евіча і Ганны Насуты.
Быў двойчы жанаты. У пасаг за першай жонкай Барбарай Кезгайлай (дачка Станіслава Кезгайлы) атрымаў частку Палачан і Лужан у Ашмянскім павеце. Другім шлюбам быў жанаты з Соф'яй Радзівіл (дачка Мікалая Радзівіла).
Меў сына Яна і дачку Ганну (жонка Фёдара Сапегі, а потым Стэфана Збаражскага).
Літаратура правіць
- Насевіч В. Забярэзінскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 638. — 688 с. — ISBN 985-11-0314-4 (т. 1), ISBN 985-11-0315-2.