Яфім Захаравіч Капелян

Яфім Захаравіч Капелян (1912—1975) — савецкі акцёр тэатра і кіно. Народны артыст СССР (1973).

Яфім Капелян
Імя пры нараджэнні	Яфім Залманавіч Капелян
Дата нараджэння	30 сакавіка (12 красавіка) 1912(1912-04-12)
Месца нараджэння	Рэчыца, Рэчыцкі павет, Мінская губерня, Расійская імперыя
Дата смерці	6 сакавіка 1975(1975-03-06) (62 гады)
Месца смерці	Усевалажск, Ленінградская вобласць, РСФСР, СССР
Месца пахавання	Літаратарскія масткі[d]
Грамадзянства	Расійская імперыя СССР
Жонка	Lyudmila Makarova[d]
Адукацыя	Інстытут жывапісу, скульптуры і архітэктуры імя І. Я. Рэпіна
Месца працы	Вялікі драматычны тэатр імя Г. А. Таўстаногава
Прафесія	акцёр тэатра і кіно
Кар’ера	1935—1975
Узнагароды
IMDb	0465748
Медыяфайлы на Вікісховішчы

Біяграфія

Яфім Капелян нарадзіўся 30 сакавіка (12 красавіка) 1912 года ў горадзе Рэчыца (цяпер Гомельская вобласць) у сям’і лесанарыхтоўшчыка.

Пасля заканчэння школы ў 1929 годзе прыехаў у Ленінград і некаторы час працаваў токарам на заводзе «Чырвоны Пуцілавец», а затым паступіў у Акадэмію мастацтваў на архітэктурны факультэт, дзе раней навучаліся абодва яго брата. Дзеля заробку ўдзельнічаў у масоўках у спектаклях Вялікага драматычнага тэатра і ў рэшце рэшт паступіў у студыю пры тэатры, дзе яго настаўнікам быў К. К. Цвярскі (у той час галоўны рэжысёр БДТ). Пасля заканчэння студыі (у 1935 годзе) быў прыняты ў трупу тэатра, у якім працаваў да канца жыцця. З прыходам у 1956 годзе Г. А. Таўстаногава на пасаду галоўнага рэжысёра стаў адным з вядучых акцёраў БДТ.

Адначасова здымаўся ў кіно, выканаў мноства яркіх характэрных роляў у фільмах «Няўлоўныя мсціўцы», «Інтэрвенцыя», «Даура», «Вечны кліч», «Саламяны капялюшык». Адна з найбольш вядомых прац — аўтарскі тэкст у тэлесерыяле «Сямнаццаць імгненняў вясны».

Памёр ад інфаркту 6 сакавіка 1975 г. Пахаваны на Літаратарскіх мастках Волкаўскіх могілак у Ленінградзе.

Узнагароды і званні

• Заслужаны артыст РСФСР (1957)
• Лаўрэат Усесаюзнага кінафестывалю ў намінацыі «Прэміі за акцёрскую працу» за 1968 год.
• Народны артыст СССР (1973)