Яўген Іванавіч Іванчанка

Яўге́н Іва́навіч Іва́нчанка (27 чэрвеня 1943, г. Глазаў, Удмурцкая АССР, РСФСР — 3 лістапада 2023) — беларускі плывец, педагог, спецыяліст у вобласці тэорыі і методыкі фізічнага выхавання, спартыўнай трэніроўкі. Доктар педагагічных навук (1993), прафесар (1994). Заслужаны трэнер БССР (1976), СССР (1981).

Яўген Іванавіч Іванчанка
Пол	мужчынскі пол
Спецыялізацыя	плаванне
Нарадзіўся	27 чэрвеня 1943(1943-06-27) Глазаў, Удмурцкая АССР[d], РСФСР, СССР
Памёр	3 лістапада 2023(2023-11-03) (80 гадоў)
Грамадзянства	СССР  Беларусь
Альма-матар	Беларускі дзяржаўны інстытут фізічнай культуры (1966)

Біяграфія

Нарадзіўся 27 чэрвеня 1943 года ў г. Глазаў Удмурцкай АССР.

Чэмпіён і рэкардсмен Беларусі 1961—1963 па плаванні. Скончыў у 1966 годзе Беларускі інстытут фізічнай культуры па спецыяльнасці «Фізічная культура і спорт». У 1966—1967 гадах — трэнер Спартыўнага клуба Арміі Беларускай ваеннай акругі. У 1967—1974 гадах выкладаў у Беларускім інстытуце фізічнай культуры. У 1973 годзе скончыў аспірантуру Дзяржаўнага цэнтральнага інстытута фізічнай культуры ў Маскве. У 1975—1984 гадах — трэнер зборнай каманды СССР па плаванні.

З 1989 года працаваў ў Акадэміі фізічнага выхавання і спорту. У 1995—2003 гадах — першы прарэктар.

Памёр 3 лістапада 2023 года.

Творчасць

Аўтар навучальных і метадычных дапаможнікаў, у т.л. «Плаванне ў комплексе ГПА» (1976, з Г. Э. Васілеўскім), «Навука пра спартыўнае плаванне» (1993), «Тэорыя і практыка спорту» (ч. 1—З, 1996—1997).

Займаецца літаратурнай творчасцю, піша артыкулы, нарысы, апавяданні, аповесці.

Узнагароды

• Майстар спорту СССР (1962);
• Заслужаны трэнер БССР (1976);
• Заслужаны трэнер СССР (1981);
• грамата Вярхоўнага Савета БССР (1976);
• грамата Савета Міністраў Рэспублікі Беларусь (1997);
• знак «Выдатнік адукацыі» (2003)
• знак «За развіццё фізічнай культуры і спорту ў Рэспубліцы Беларусь» (2013) і інш.

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).
• Иванченко Евгений Иванович // Республика Беларусь : энциклопедия : [в 7 т.]. — Минск, 2006. — Т. 3. — С. 698.
• Иванченко Евгений Иванович // Спортивная энциклопедия Беларуси. — Минск, 2005. — С. 206.