Яўген Уладзіміравіч Яблонскі
Яўген Яблонскі (нар. 10 мая 1995, Чэрвень) — беларускі футбаліст, паўабаронца нацыянальнай зборнай Беларусі.
 Яўген Яблонскі | ||||||||||
|---|---|---|---|---|---|---|---|---|---|---|
 | ||||||||||
| Агульная інфармацыя | ||||||||||
| Поўнае імя | Яўген Уладзіміравіч Яблонскі | |||||||||
| Нарадзіўся |
10 мая 1995[1][2][…] (28 гадоў) |
|||||||||
| Грамадзянства |
 Беларусь |
|||||||||
| Рост | 182 см | |||||||||
| Вага | 81 кг | |||||||||
| Пазіцыя | паўабаронца | |||||||||
| Інфармацыя пра клуб | ||||||||||
| Клуб | няма | |||||||||
| Клубная кар’ера[* 1] | ||||||||||
|
||||||||||
| Нацыянальная зборная[* 2] | ||||||||||
|
||||||||||
| Узнагароды і медалі | ||||||||||
|
||||||||||
 Медыяфайлы на Вікісховішчы | ||||||||||
Клубная кар’ера Правіць
Пачаў займацца футболам у чэрвенскай ДЮСШ. Пазней перабраўся ў мінскую школу «Змена», адтуль — у Барысаўскае дзяржаўнае абласное вучылішча алімпійскага рэзерву. З лета 2012 года пачаў выступаць за дубль барысаўскага БАТЭ. У сезоне 2013 стаў адным з асноўных ігракоў дубля.
29 чэрвеня 2014 года дэбютаваў у асноўнай камандзе БАТЭ, выйшаўшы ў стартавым складзе ў матчы з «Белшынай». У першым жа матчы ў аснове адзначыўся галявой перадачай. У кастрычніку 2014 года ўжо трывала замацаваўся ў цэнтры паўабароны барысаўскага клуба. 27 кастрычніка 2014 года забіў свой першы гол у чэмпіянаце Беларусі (у браму жодзінскага «Тарпеда-БелАЗ»).
У лютым 2015 года падоўжыў кантракт з барысаўчанамі[3]. У 2015—2016 гадах трывала гуляў у асноўнай камандзе, у сезоне 2016 часам выкарыстоўваўся на пазіцыі цэнтральнага абаронцы. У сезоне 2017 спачатку гуляў у стартавым складзе барысаўчан у якасці цэнтральнага абаронцы, пазней страціў месца ў аснове. У сезоне 2018 вярнуў месца ў стартавым складзе.
У снежні 2018 года падпісаў новы кантракт з БАТЭ[4]. У сезоне 2019 замацаваўся ў якасці аднаго з асноўных ігракоў каманды. У верасні 2019 года падоўжыў пагадненне з клубам[5]. У 2020—2021 гадах заставаўся трывалым іграком стартавага складу, дапамагаў барысаўчанам выйграць сярэбраныя медалі чэмпіянату і два Кубка Беларусі, у сезоне 2021 быў прызнаны найлепшым паўабаронцам чэмпіянату Беларусі.
У студзені 2022 года па заканчэнні кантракта пакінуў барысаўскі клуб[6] і ў хуткім часе падпісаў пагадненне на 2,5 гады з кіпрскім «Арысам»[7]. У «Арысе» рэгулярна з’яўляўся на полі, чаргаваў выхады ў стартавым складзе і на замену. Па выніках сезона 2022/23 разам з камандай стаў чэмпіёнам Кіпра. Пакінуў «Арыс» у ліпені 2023 года[8].
Міжнародная кар’ера Правіць
25 студзеня 2014 года дэбютаваў у моладзевай зборнай Беларусі ў матчы супраць Казахстана на Кубку Садружнасці ў Санкт-Пецярбургу. Пазней замацаваўся ў якасці асноўнага апорнага паўабаронцы зборнай, правёў за яе 28 матчаў і забіў 3 гола.
6 верасня 2019 года дэбютаваў у нацыянальнай зборнай Беларусі, адгуляўшы ўсе 90 хвілін у адборачным матчы чэмпіянату Еўропы супраць Эстоніі.
Палітычныя погляды Правіць
Падпісаў адкрыты ліст спартыўных дзеячаў краіны, якія выступаюць за дзеючую ўладу Беларусі пасля здушэння народных пратэстаў у 2020 годзе[9].
Дасягненні Правіць
Чэмпіён Беларусі (5): 2014, 2015, 2016, 2017, 2018-
Срэбраны прызёр чэмпіянату Беларусі (3): 2019, 2020, 2021 - Уладальнік Кубка Беларусі (3): 2015, 2020, 2021
- Уладальнік Суперкубка Беларусі (3): 2015, 2016, 2017
- Найлепшы паўабаронца чэмпіянату Беларусі: 2021
- У спісе 22 найлепшых футбалістаў чэмпіянату Беларусі (3): 2019, 2020, 2021
Чэмпіён Кіпра: 2023
Заўвагі Правіць
- ↑ Evgeni Yablonski // Transfermarkt — 2000. Праверана 9 кастрычніка 2017.
- ↑ Evgeni Yablonski // FBref.com
- ↑ Сороко, Яблонский и Климович продлили контракты с БАТЭ
- ↑ Евгений Яблонский подписал новый контракт с БАТЭ
- ↑ БАТЭ продлил контракт с Евгением Яблонским
- ↑ Евгений Яблонский покинул БАТЭ
- ↑ Евгений Яблонский стал игроком "Ариса"
- ↑ Евгений Яблонский покинул "Арис" (руск.). football.by (12 ліпеня 2023). Праверана 12 ліпеня 2023.
- ↑ Подписи. Праверана 8 снежня 2020.