Якаў Паўлавіч Навуменка

Якаў Паўлавіч Навуменка (28 сакавіка 1959, Орша — 26 жніўня 2012, Севастопаль) — беларускі спявак. Народны артыст Беларусі (2011).

Якаў Навуменка
Імя пры нараджэнні	Якаў Паўлавіч Навуменка
Дата нараджэння	28 сакавіка 1959(1959-03-28)
Месца нараджэння	Орша, Віцебская вобласць, БССР, СССР
Дата смерці	26 жніўня 2012(2012-08-26) (53 гады)
Месца смерці	Севастопаль, Украіна
Месца пахавання	Усходнія могілкі
Краіна	СССР→ Беларусь
Альма-матар	Дзяржаўнае музычнае вучылішча імя Гнесіных[d]
Музычная дзейнасць
Прафесіі	спявак
Інструменты	вакал
Жанры	сімфонія эстрада
Узнагароды	Народны артыст Беларусі

Біяграфія

Скончыў Мінскае музычнае вучылішча імя М. І. Глінкі. Вучыўся ў Беларускай кансерваторыі, Расійскай акадэміі музыкі імя Гнесіных, дзе яго настаўнікамі былі Іосіф Кабзон, Леў Лешчанка, Гелена Веліканава.

Выканаўца песень «Бывайце здаровы», «Заручоныя», «Гуляй, казак», «Трэба проста жыць» і інш. У 2007 годзе на фестывалі «Славянскі базар у Віцебску» прадставіў новую сольную праграму «Залатыя песні». Для яго пісалі песні кампазітары Алег Елісеенкаў, Алег Моўчан, Леанід Захлеўны, Уладзімір Буднік, Васіль Раінчык на вершы паэтаў Аляксандра Лягчылава, Леаніда Дранько-Майсюка, Алены Туравай. Выступаў сольна і ў складзе Нацыянальнага акадэмічнага народнага аркестра імя Жыновіча. Яго песні спявалі такія калектывы, як ансамблі народнай музыкі «Свята» і «Бяседа».

Пацярпеў падчас бойкі 19.8.2012, праз пяць дзён у рэанімацыі памёр.

Прэміі і ўзнагароды

«За значны асабісты ўнёсак у развіццё нацыянальнага музычнага мастацтва» Я. Навуменку была абвешчана падзяка Прэзідэнта Рэспублікі Беларусь А. Р. Лукашэнка. У 2011 годзе яму было прысвоена званне народнага артыста Рэспублікі Беларусь.. У 1988 годзе стаў лаўрэатам конкурсу «Новыя імёны».

Літаратура

• Д.П. НАВУМЕНКА, ЯКАЎ (Науменко Яков, Naumenko Yakov) // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 198–199. — 368 с. — 2 000 экз. — ISBN 978-985-6783-42-8.