1-я асобная дэсантна-штурмавая рота «Беларусь»
1-я асобная дэсантна-штурмавая рота «Беларусь» (1-я адшр) — рота беларусаў, якая ўваходзіла у склад 79-й дэсантна-штурмавой брыгады УСУ. Брала ўдзел у баях пад Мар’інкай у Данецкай вобласці. У часці ваявалі каля 30 чалавек[1].
| 1-я асобная дэсантна-штурмавая рота «Беларусь» | |
|---|---|
 | |
| Гады існавання | 2023—лета 2024 |
| Краіна | |
| Падпарадкаванне |
 Узброеныя Сілы Украіны |
| Уваходзіць у |
 79-я асобная дэсантна-штурмавая брыгада |
| Тып | Дэсантна-штурмавая рота |
| Дыслакацыя | |
| Войны | Расійска-ўкраінская вайна |
| Удзел у | |
| Знакі адрознення |
.svg){kind=small}  |
| Камандзіры | |
| Вядомыя камандзіры | «Фэнікс» (першы камандзір) |
Упершыню пра стварэнне 1-й асобнай дэсантна-штурмавой роты беларусаў паведаміў прадстаўнік Аб’яднанага пераходнага кабінета Беларусі ў пытаннях абароны Валерый Сахашчык у чэрвені 2023 г.[2]
У інтэрв'ю інтэрнэт-выданню "Мая краіна Беларусь" дабраахвотнік з пазыўным «Рух» паведаміў аб тым, што летам 2024 года падраздзяленне спыніла сваё існаванне.[3]
Структура
правіцьПа словах Сахашчыка, падраздзяленне складавалася з ваенных прафесіяналаў, у першую чаргу людзей, якія маюць баявы вопыт і афіцэрскія званні.[4] У роту ўваходзялі былыя байцы палка Каліноўскага, палка «Пагоня» і 2-га інтэрнацыянальнага легіёна.[2]
Рота развівалася ў трох кірунках — штурмавікі, цяжкае ўзбраенне і беспілотнікі[1]. Пасаду першага камандзіра роты заняў беларускі афіцэр з пазыўным «Фэнікс», які ў канцы вясны атрымаў цяжкое раненне. Новапрызначаны камандзір з’яўляецца былым беларускім спецназаўцам.[2]
Ротай дапамагала шэраг прыватных спонсараў і арганізацыя Prague Support Team.[2]
Узнагароды
правіць8 верасня 2023 года Рада БНР узнагародзіла шэсць чалавек з 1-й асобнай дэсантна-штурмавой роты. Яны былі ўзнагароджаны медалём за баявыя заслугі.[5] Урачыстае ўручэнне адбылося 27 верасня. Узнагароды байцам перадаў Валерый Сахашчык.[6]
У кастрычніку 2023 года баец 1-й АДШР з пазыўным «Рыжы» быў узнагароджаны нагрудным знакам «за праяўленую мужнасць і адвагу на полi бою».[7]
Рэакцыя беларускіх уладаў
правіць12 верасня 2023 года суд Цэнтральнага раёна Мінска прызнаў Telegram-канал 1-й АДШР экстрэмісцкім матэрыялам.[8]
Крыніцы
правіць- ↑ а б Колькі беларускіх добраахвотнікаў ваюе ва Ўкраіне і дзе. Абноўлены гайд па ўсіх фармаваньнях
- ↑ а б в г «Сахашчык сам удзельнічае ў баявых апэрацыях». Баец з новай дэсантнай роты беларусаў расказаў, чым яны займаюцца на Данбасе
- ↑ "Амаль месяц прайшоў з таго часу, як усе сышлі, і ўжо пара сказаць людзям праўду, што ўсё, падраздзяленне закрыта!" Што сталася з ротай беларусаў, якую арганізаваў Валеры Сахашчык? Расказвае дабраахвотнік з пазыўным Рух.
- ↑ Что за новая рота, о которой говорил Валерий Сахащик? Спросили у него
- ↑ Рада БНР узнагародзіла 14 беларускіх добраахвотнікаў, якія ваююць ва Украіне
- ↑ Беларускія дэсантнікі, якія ваююць за Украіну, атрымалі медалі Рады БНР
- ↑ Ва Украіне «за мужнасць і адвагу» ўзнагародзілі беларускага дэсантніка
- ↑ Сімволіку і атрыбутыку Рады БНР прызналі "экстрэмісцкімі" матэрыяламі: хроніка пераследу 19 верасня