27-я Нараўлянская партызанская брыгада імя С. М. Кірава

Партызанская брыгада на тэрыторыі БССР у гады Вялікай Айчыннай вайны

27-я Нараўлянская партызанская брыгада імя С. М. Кіравапартызанская брыгада, створаная 20 кастычніка 1943 года на базе асобных атрадаў імя Кірава (арганізаваны ў снежні 1942 года), імя Суворава (арганізаваны ў чэрвені 1943 года) і імя Фрунзэ (арганізаваны ў кастрычніку 1943 года). Дзейнічала на тэрыторыі Нараўлянскага раёна. 28 лістапада 1943 года брыгада (655 партызан, чатыры атрады) злучылася з Чырвонай Арміяй.

27-я Нараўлянская партызанская брыгада імя С. М. Кірава
Гады існавання 1943
Краіна  СССР
 Беларуская ССР
Падпарадкаванне Беларускі штаб партызанскага руху
Уваходзіць у Паўднёва-Прыпяцкае партызанскае злучэнне
Тып партызаны
Функцыя змаганне з акупантамі
Колькасць 655 партызан (26.11.1943)
Дыслакацыя Нараўлянскі раён
Войны Другая сусветная вайна
Вялікая Айчынная вайна
Удзел у
Камандзіры
Вядомыя камандзіры Уладзімір Пятровіч Яромаў

Склад правіць

  • партызанскі атрад імя Кірава (арганізаваны ў канцы снежня 1942 г. і да 1 красавіка 1943 г. насіў імя партызанскі атрад «Чырвоная Украіна»)
  • партызанскі атрад імя Суворава (арганізаваны 16 чэрвеня 1943 г.);
  • партызанскі атрад імя Фрунзэ (арганізаваны 20 кастрычніка 1943 г.);
  • партызанскі атрад імя Чапаева.

Камандаванне правіць

Камандзір правіць

  • Уладзімір Пятровіч Яромаў

Камісар правіць

  • Пётр Іванавіч Пятроўскі

Начальнік штаба правіць

  • Уладзімір Мацвеевіч Клейнос

Гісторыя правіць

Партызаны вялі баі з немцамі, найбольш значныя з якіх былі 29 жніўня 1943 года ў Мухаедаўскім лесе і 19 верасня 1943 года пры нападзе на гарнізон у Нароўлі (Нараўлянска-Шчакатоўская аперацыя).

18 верасня 1943 г. усе лекары, у тым ліку Казімір Францавіч Градзіцкі (1891—1959), яго два сыны Данііл і Юзаф і большасць сярэдняга персаналу, якія яшчэ працавалі ў Нараўлянскай раённай бальніцы, захапіўшы з сабой інструменты, медыкаменты, перавязачны матэрыял, таемна перайшлі ў Нараўлянскую партызанскую брыгаду імя С. М. Кірава. Яшчэ раней (праз студэнтку IV курса Мінскага медыцынскага інстытута Г.І. Кручок) Казімір Градзіцкі, працуючы ў Нароўлі на пасадзе другога лекара ў нараўлянскай раённай бальніцы, наладзіў сувязь з партызанскай брыгадай імя С.М. Кірава, якую забяспечваў медыкаментамі, інструментарыем і каштоўнай інфармацыяй, бо добра ведаў нямецкую мову і меў даверлівыя стасункі з нямецкімі акупацыйнымі ўладамі ў Нароўлі.

Учынялі дыверсіі на чыгунках, шашэйных і грунтовых дарогах. 11 лістапада 1943 года група аўтаматчыкаў на чале з І. І. Бельскім узарвала два масты на рацэ Славечне. 29—30 лістапада 1943 года разам з часцямі 1-га Украінскага фронту ўдзельнічалі ў вызваленні Нароўлі, вёсак Верхні і Ніжні Млынок (Нараўлянская аперацыя).

Памяць правіць

У 1945 годзе ў вёсцы Хільчыха Нараўлянскага раёна ў гонар брыгады быў пастаўлены помнік.

Літаратура правіць

Спасылкі правіць