Aspalathus linearis

Aspalathus linearis — куст, які расце ў Афрыцы, від роду Aspalathus сямейства Бабовыя (Fabaceae). З лісця і парасткаў гэтай расліны атрымліваюць напой (гарбату), вядомы пад назвай ройбас (ройбуш).

Aspalathus linearis
Агульны выгляд квітнеючай расліны. Заходняя Капская правінцыя, Паўднёва-Афрыканская Рэспубліка
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Crotalarieae Род:  Aspalathus Від:  Aspalathus linearis
Міжнародная навуковая назва
Aspalathus linearis (Burm.f.) R.Dahlgren (1963)
Сінонімы
Aspalathus contaminata (Thunb.) Druce Aspalathus corymbosa E.Mey. Borbonia pinifolia Marloth Psoralea linearis Burm.f.basionym
Сістэматыка на Віківідах Выявы на Вікісховішчы ITIS   506239 NCBI   155124 EOL   702617 GRIN   t:310979 IPNI   475647-1 TPL   ild-6704

Распаўсюджанне

Кветкі

Эндэмік Паўднёвай Афрыкі: натуральны арэал віду абмежаваны горным масівам Седэрберг (200 км на поўнач ад Кейптаўна).

Біялагічнае апісанне

Куст вышынёй ад 1 да 1,5 м з гладкім цэнтральным ствалом і шматлікімі галінамі. Лісце даўжынёй да 10 мм, падобнае на ігліцу: тонкае, мяккае, з вастрыём на канцы. Кветкі — з венчыкам матыльковага тыпу.

Хімічны склад

Расліна змяшчае розныя фітахімічныя кампаненты, напрыклад, асплацін, нотафагін, кверцэцін. Апошні з'яўляецца біялагічна актыўнам рэчывам, якое валодае спазмалітычнай, супрацьзапаленчай, антыаксідантнай, дыурэтычнай і проціпухліннай уласцівасцямі.

Выкарыстанне

Расліна здаўна выкарыстоўваецца для падрыхтоўкі гарбаты, вядомай пад назвай ройбас (ройбуш). З сярэдзіны XX стагоддзя для атрымання сыравіны для вытворчасці напою пачалося прамысловае культываванне расліны.