Грабневікі

Грабневікі́ (Ctenophora) — тып марскіх беспазваночных жывёл.

Грабневікі
Bathocyroe fosteri
Навуковая класіфікацыя
Дамен:  Эўкарыёты Царства:  Жывёлы Тып:  Грабневікі
Міжнародная навуковая назва
Ctenophora Eschscholtz, 1829
Сістэматыка на Віківідах Выявы на Вікісховішчы ITIS   53856 NCBI   10197 EOL   69 FW   6994

Апісанне

Існуе 1 клас, 2 падкласы: шчупальцавыя (Tentaculifera) з 5 атрадамі і бясшчупальцавыя (Atentaculata) з 1 атрадам. Каля 120 відаў, жывуць ва ўсіх морах на рознай глыбіні. Найбольш вядомыя грабневікі з роду берое (Beroe), балінопсіс (Bolinopsis), грабневікі, якія поўзаюць, з роду ктэнаплана (Ctenoplana), Венерын пояс (Cestum veneris).

Даўжыня ад 2 мм да 2,5 м (Венерын пояс). Цела студзяністае, празрыстае, авальнай, яйцападобнай або іншай формы, з ротам на адным канцы і органамі раўнавагі на другім. Перамяшчаюцца з дапамогай 8 радоў грабных пласцінак, па баках 2 шчупальцы. Гермафрадыты. Развіццё з лічынкай. Драпежнікі, жывяцца пераважна планктонам, зрэдку ікрой і маляўкамі рыб. Грабневікі берое паядаюць іншых, а самі з'яўляюцца кормам трасковых рыб, медуз. Многія грабневікі свецяцца ў цемнаце.

Літаратура

• Грабневікі // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).