Гладыёлус

Гладыёлус (Gladiolus) — род шматгадовых раслін сямейства Касачовыя (Iridaceae).

Гладыёлус
Gladiolus communis
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Спаржакветныя Сямейства:  Касачовыя Падсямейства:  Ixioideae Трыба:  Ixieae Род:  Гладыёлус
Міжнародная навуковая назва
Gladiolus L.
Сістэматыка на Віківідах Выявы на Вікісховішчы ITIS   43293 NCBI   49747 EOL   61025 GRIN   g:4969 IPNI   156755-3

Батанічнае апісанне

Сцябло прамастойнае, вышыня 25-220 см. Лісце лінейна-мечападобнае, зялёнае або блакітна-зялёнае. Суквецце — колас, адно- або двухбаковы. Кветка варонкападобная, з шасцю неаднолькавымі долямі калякветніка, разнастайнай афарбоўкі (белай, жоўтай, аранжавай, вогненна-чырвонай, бэзавай і фіялетава-сіняй).

Арэал

Вядома каля 200 відаў гладыёлуса, якія растуць у Паўднёвай і Паўночнай Афрыцы, Еўропе і Азіі.

Значэнне і выкарыстанне

У дэкаратыўным кветаводстве распаўсюджаныя сарты гладыёлуса гібрыднага (Gladiolus hybridus), якія адрозніваюцца працягласцю цвіцення, буйнымі памерамі суквеццяў (да 1 м) і кветак (да 14 см у дыяметры), разнастайнасцю іх афарбоўкі.