Адкрыць галоўнае меню

Intel 8088 — 16-бітны мікрапрацэсар, выпушчаны кампаніяй Intel 1 чэрвеня 1979 года, і заснаваны на мікрапрацэсары i8086, але з 8-бітнай шынай даных. Працэсар ужываўся ў арыгінальных камп'ютарах IBM PC. Intel 8088 з'явіўся базай для распрацоўкі сямейства малых камп'ютараў, падрыхтаваўшы глебу для хуткага стварэння сумяшчальных настольных камп'ютараў.

<<   Intel 8088   >>
Цэнтральны працэсар
I8088.jpg
Мікрапрацэсар Intel 8088
Вытворчасць: з 1 чэрвеня 1979 па 1990-я
Вытворцы:
Частата ЦП: 5—10 МГц
Тэхналогія вытворчасці:
мкм
Наборы інструкцый: x86-16
Раздымы:

Канкурэнтамі мікрапрацэсара i8088 з'яўляюцца такія распрацоўкі, як NEC V20, які быў на 5 % больш прадукцыйны за i8088, але пры гэтым быў цалкам з ім сумяшчальны. Расійскім аналагам з'яўляецца мікрапрацэсар К1810ВМ88, які ўваходзіў у серыю мікрасхем К1810.

АпісаннеПравіць

Змест

Мікрапрацэсар Intel 8086, які выйшаў за год да выпуску Intel 8088, быў цалкам 16-разрадным і для яго работы патрабаваўся новы набор 16-разрадных мікрасхем падтрымкі (напрыклад, мікрасхемы памяці), якія ў той час яшчэ каштавалі надта дорага. Таму многія вытворцы адмаўляліся ўжываць i8086 у новых сістэмах і працягвалі ўжываць 8-бітныя мікрапрацэсары i8080/i8085. Тады Intel вырашае выпусціць мадыфікаваную версію працэсара i8086, які меў 8-разрадную шыну даных, і мог працаваць са старымі (і таннымі), 8-бітнымі, мікрасхемамі падтрымкі. Працэсар быў пераходным звяном паміж 16- і 8-бітнымі мікрапрацэсарамі, і прызначаўся для пераводу апаратных канфігурацый на базе мікрапрацэсараў i8080/i8085 на праграмнае асяроддзе мікрапрацэсара i8086 з мэтай павелічэння прадукцыйнасці гэтых 8-бітных сістэм.

Аднак не толькі разраднасць шыны даных адрознівала i8086 і i8088, Intel таксама ўнесла яшчэ некаторыя змены ў архітэктуру. У прыватнасці, у мікрапрацэсары Intel 8088 выкарыстоўваецца чарга папярэдняй выбаркі даўжынёй 4 байты, а не 6 байтаў, як у мікрапрацэсары Intel 8086. Прычына палягае ў тым, што мікрапрацэсар i8088 можа счытваць даныя з памяці толькі пабайтава і адсюль вынікае павелічэнне часу выбаркі наступнай каманды, што не дазваляе працэсару паўнавартасна ўжываць 6-байтавую чаргу.

Тэхнічныя характарыстыкіПравіць

  • Дата анонсу: 1 чэрвеня 1979 года
  • Тактавая частата (МГц): 5 (мадэль 8088), 8 (мадэль 8088-2), 10 (мадэль 8088-1)
  • Разраднасць рэгістраў: 16 біт
  • Разраднасць шыны даных: 8 біт
  • Разраднасць шыны адрасу: 20 біт
  • Аб'ём адрасавальнай памяці: 1 Мбайт
  • Колькасць транзістараў: 29 000
  • Тэхпрацэс (нм): 3000 (3 мкм)
  • Плошча крышталя (кв. мм): ~30
  • Напружанне сілкавання: +5 В
  • Раздым: няма (мікрасхема прылітвалася да платы)
  • Корпус: 40-кантактны пластыкавы DIP
  • Падтрымальныя тэхналогіі: 98 інструкцый

СпасылкіПравіць