UltraВожык
«UltraВо́жык» — беларускі музычны праект, заснаваны ў 2001 годзе мінчуком Віктарам Кавальскім, гамельчанінам Яўгенам Далевічам і містычнай постаццю, вядомай як сабачка Ібрагім.
| UltraВожык | |
|---|---|
| Краіны | |
| Адкуль | Мінск |
| ultravozhyk.com | |
Гісторыя
правіцьПраект, заснаваны ў 2001 годзе, за час свайго існавання вызначыўся тым, што час ад часу выдаваў палітычна накіраваную музычную прадукцыю, праз якую рэзка і з гумарам крытыкаваў палітыку аўтарытарнай, на думку аўтараў песень, беларускай улады. Песні праекту «UltraВожык» пачалі хутка распаўсюджвацца праз Інтэрнэт ужо ў 2001 годзе. У 2003 годзе «UltraВожык» выдаў дыск «Ідэалогія», у якім высмяяў увядзенне прадмету дзяржаўнай ідэалогіі ў ВНУ Беларусі. Натуральна, дыск у крамы не трапіў, але невялікі тыраж разышоўся «з рук у рукі» ды праз Інтэрнэт. У 2005 годзе «UltraВожык» выдаў нечакана сур’ёзную рок-баладу «Атлантыда», якая патрапіла ў спіс найлепшых песняў сезону вядомага хіт-парада «Тузін Гітоў» і была выдадзеная на зборніку «Прэм’ер Тузін 2005».
28 лютага 2006 года з’явілася новая песня музычнага праекту «UltraВожык» «Фабрыка сноў».
У снежні 2007 года выходзіць кліп на песню «Атлантыда». Кліп заняў першае месца ў «кліп-марафоне» беларускамоўных кліпаў, які праводзіўся ў Гродна.
За ўсе гады існавання праекту Далевіч і Кавальскі ніколі не з’яўляліся на публіцы.
Дыскаграфія
правіцьСінглы
правіць- «Атлантыда» (2005)
- «Фабрыка сноў» (2006)
- «Крыніца цяпла» (2007)
- «Спадарожнік» (2009)
- «Клёва касманаўту!» (2009)
- «Das Дzед-Барадzед» (2010)
Альбомы
правіцьВідэакліпы
правіць- «Фабрыка сноў» («Белсат», 2007);
- «Атлантыда» («Белсат», 2007).
Удзел у складанках
правіць- «Прэм’ер Тузін 2005» (2005)
- «Песьні свабоды» (2006)
- «Песні свабоды-2» (2006)
- «Прэм’ер Тузін 2006» (2006)
Крыніцы
правіцьЛітаратура
правіць- Д.П. «ULTRAВОЖЫК» // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 311. — 368 с. — 2 000 экз. — ISBN 978-985-6783-42-8.