United Company

«Юнайтэд компані» (англ.: United Company — Аб’яднанае таварыства) — беларускае прадпрыемства, заснаванае ў студзені 1993 года ў Мінску. На 2015 г. мела 11 аўтазаправак (АЗС): 7 у Мінску, 3 у Мінскай вобласці (Маладзечна, Слуцк, Стоўбцы) і 1 у Гродзенскай вобласці (Ашмяны). Пры кожнай АЗС дзейнічала ўласная кавярня «Салатны заезд» (англ.: Salad Drive) і садовая крама. У 2014 г. пры АЗС пачалася разбудова ветраных і сонечных электрастанцый. У канцы студзеня 2014 г. каля АЗС у Стоўбцах паставілі першы дацкі вятрак «Мікон» магутнасцю 600 кілават, які ўжо за першыя 2 тыдні працы даў 30 000 кілават·гадзіна электраэнергіі. Таксама ў 2014 г. узвялі сонечную электрастанцыю магутнасцю 145 кілават з 524 панэляў. У лютым 2015 г. збудавалі другі вятрак магутнасцю 600 кілават. У красавіку паставілі яшчэ 400 сонечных панэляў магутнасцю 120 кілават. Ва ўласнасці таксама знаходзяцца гандлёвыя цэнтры «Імі» (Immi) ў Маладзечне (з лютага 2008 г.) і Стоўбцах (са снежня 2009 г.).

«Юнайтэд компані»
Тып	Таварыства з абмежаванай адказнасцю
Заснаванне	29 студзеня 1993 (1993-01-29)
Размяшчэнне	Мінск, вул. Ціміразева, д. 3
Адрас	Мінск
Галіна	Гандаль
Прадукцыя	Ежа, насенне і паліва
Сайт	united-company.by