Б’ёркбарнская сядзіба

Б’ёркбарнская сядзіба (шведск.: Björkborns herrgård) — сядзіба ў камуне Карлскуга ў цэнтральнай частцы Швецыі. Пабудавана ў 1812—1815 гадах, на месцы, дзе яшчэ з 1639 існаваў невялічкі металургічны завод. Сядзібай валодала металургічная кампанія Буфорс, якую ў 1894 узначаліў Альфрэд Нобель. У верасні 1894 кампанія перадала сядзібу ў распараджэнне свайго дырэктара, дзе ён і пражыў амаль да сваёй смерці ў 1896 г. Да 1972 сядзіба працягвала выкарыстоўвалася ў якасці жылога памяшкання.

Славутасць
Б’ёркбарнская сядзіба
59°20′25″ пн. ш. 14°32′05″ у. д.
Краіна	Швецыя
Месцазнаходжанне	Карлскуга
Дата заснавання	1815
Сайт	nobelkarlskoga.se (шведск.)
Медыяфайлы на Вікісховішчы

Музей Нобеля ў Карлскузе/Б’ёркбарн Альфрэда Нобеля

У 1978, пасля капітальнага рэмонту, у сядзібе быў адкрыты музей, які паказваў, як жыў А.Нобель. Музей Нобеля ў Карлскузе ўключае ў сябе Сядзібу Б’ёркбарн і лабараторыю Альфрэда Нобеля. Музей з’яўляецца фондам, фундатарамі якой ёсць камуна Карлскуга, хімічны канцэрн AkzoNobel, абарончы канцэрн Saab Dynamics і Фонд Нобеля.

Выстаўкі музея распавядаюць пра А.Нобеля і яго жыццё. Уся яго бібліятэка знаходзіцца тамсама. Лабараторыя з’яўляецца рэканструкцыяй лабараторыі, у якой працаваў А.Нобель. Для дзетак утвораны невялічкі навуковы цэнтр, г.зв. «Вынаходніцкая хатка» (шведск.: Fiffiga huset). У былой стайні музей ладзіць розныя канцэрты, выстаўкі і іншыя культурныя мерапрыемствы.

Галерэя

• 
  Б’ёркбарнская сядзіба ўзімку.
• 
  Лабараторыя Альфрэда Нобеля.
• 
  Пасмяротная маска Альфрэда Нобеля.
• 
  Мініяцюрныя ордэны Альфрэда Нобеля.

Гл. таксама

• Музей Нобеля

Літаратура

• Ragnar Sohlman, Ett testamente, Atlantis 2000

Спасылкі

• На Вікісховішчы ёсць медыяфайлы па тэме Б’ёркбарнская сядзіба
• Афіцыйная старонка Архівавана 11 студзеня 2016.