Вуліца Нафтавікоў (Наваполацк)
Вуліца Нафтавікоў (трансліт.: vulica Naftavikoŭ, руск.: улица Нефтяников) — вуліца ў Наваполацку.
| Вуліца Нафтавікоў Наваполацк | |
|---|---|
 | |
| Агульная інфармацыя | |
| Краіна | |
| Горад | Наваполацк |
| Працягласць | 900 м |
| Паштовы індэкс | 211501 |
| Нумары тэлефонаў | +375214 |
Апісанне правіць
Размешчана ў паўднёва-ўсходняй частцы горада (10-ы мікрараён) і цягнецца з паўночнага ўсходу на паўднёвы захад ад вуліцы Маладзёжнай да вуліцы Камсамольскай. Працягласць вуліцы складае каля 900 метраў. Вуліца ўзнікла ў выніку будаўніцтва шматкватэрных дамоў у 2010-х гадах. Забудова вуліцы — тыповая, панэльная і цагляная з пераменнай этажнасцю да 10 паверхаў. Актыўнае будаўніцтва новых шматкватэрных жылых дамоў на гэтай вуліцы працягваецца і сёння.
Назва правіць
Назва вуліцы паходзіць ад наймення прафесіі «нафтавік», якая ў сваю чаргу з’яўляецца зборнай назвай для цэлай групы прафесій, звязаных са здабычай нафты. Гэта паказвае на пэўную яе дыскусійнасць і недарэчнасць у кантэксце гэтага канкрэтнага горада. Справа ў тым, што Наваполацк з моманту свайго заснавання з’яўляецца буйным цэнтрам перапрацоўкі і транспарціроўкі нафты. Аднак да здабычы нафты горад не мае ніякага дачынення. Найбліжэйшае да горада радовішча нафты размешчана на адлегласці амаль 500 км у Гомельскай вобласці. Больш за тое, у горадзе ўжо ёсць вуліца з падобнай назвай — вуліца Нафтаперапрацоўшчыкаў, назва якой больш лагічная і дарэчная для горада. Аднак гістарычна ў сярэдзіне ХХ стагоддзя ў Наваполацку ўжо існавала вуліца Нафтавікоў, якая ў 1975 годзе была перайменавана ў гонар першага дырэктара Наваполацкага НПЗ Алега Ктатарава. Амаль праз 40 гадоў пасля гэтага гарадскія ўлады вырашылі аднавіць гэты тапонім, але ў іншым месцы.
Сацыяльныя аб’екты правіць
- гіпермаркет «Еўраопт»
- гандлёвы цэнтр «Задыяк»