Гарэт Мак-Кліры

Га́рэт Джэймс Мак-Клі́ры (англ.: Garath James McCleary; 15 мая 1987, Оксфард, Англія) — ямайскі футбаліст, вінгер англійскага клуба «Уікам Уондэрэрс» і нацыянальнай зборнай Ямайкі.

Гарэт Мак-Кліры
Агульная інфармацыя
Поўнае імя	Гарэт Джэймс Мак-Кліры
Нарадзіўся	15 мая 1987(1987-05-15) (36 гадоў) Оксфард, Оксфард, Оксфардшыр, Англія, Вялікабрытанія
Грамадзянства	Ямайка Англія
Рост	188 см
Вага	76 кг
Пазіцыя	паўабаронца
Інфармацыя пра клуб
Клуб	Уікам Уондэрэрс
Нумар	19
Маладзёжныя клубы
2004—2005 Оксфард Юнайтэд
Клубная кар’ера
2004—2005 Оксфард Сіці 22 (3) 2005—2006 Слаў Таўн 33 (7) 2006—2008 Бромлі 24 (8) 2008—2012 Нотынгем Форэст 111 (13) 2012—2020 Рэдынг 242 (23) 2020— Уікам Уондэрэрс 32 (4)
Нацыянальная зборная
2013—2016 Ямайка 24 (3)
Узнагароды і медалі
Залатыя Кубкі КАНКАКАФ Срэбра ЗША/Канада 2015
Медыяфайлы на Вікісховішчы

Клубная кар’ера

Нарадзіўся ў Англіі, у горадзе Оксфард, дзе пачаў гуляць за мясцовую каманду «Оксфард Сіці», некаторы час правёўшы ў клуба «Оксфард Юнайтэд». Далей выступаў за мінорныя клубы «Слаў Таўн» і «Бромлі». 31 студзеня 2008 года заключыў дагавор з клубам «Нотынгем Форэст», за які дэбютаваў 3 сакавіка 2008 года, выйшаўшы на замену на 87-й хвіліне ў хатнім матчы супраць «Карлайл Юнайтэд» (0:1). У сезоне 2011/12 Мак-Кліры забіў 9 галоў.

У маі 2012 года адмовіўся падаўжаць дагавор з нотынгемскім клубам і падпісаў кантракт з клубам «Рэдынг», які выступаў у Прэм’ер-лізе. У рамках найвышэйшага англійскага дывізіёна свой першы мяч забіў 27 кастрычніка 2012 года ў браму «Фулхэма» (3:3).Пакінуў каманду ў жніўні 2020 года.

У лістападзе 2020 года ў якасці свабоднага агента далучыўся да клуба «Уікам Уондэрэрс».

Міжнародная кар’ера

У кастрычніку 2012 года быў запрошаны ў склад нацыянальнай зборнай Ямайкі, за якую дэбютаваў 6 лютага 2013 года матчам адбору да чэмпіянату свету 2014 супраць зборнай Мексікі.

Спасылкі

• На Вікісховішчы ёсць медыяфайлы па тэме Гарэт Мак-Кліры