Каманішнік лугавы
Каманішнік лугавы[3] (Succisa pratensis) — від кветкавых раслін роду Каманішнік (Succisa) падсямейства Варсянкавыя (Dipsacoideae) сямейства Бружмелевыя (Caprifoliaceae).
| Каманішнік лугавы | |||||||||||||||||
 Каманішнік лугавы | |||||||||||||||||
| Навуковая класіфікацыя | |||||||||||||||||
|---|---|---|---|---|---|---|---|---|---|---|---|---|---|---|---|---|---|
|
прамежныя рангі
| |||||||||||||||||
| Міжнародная навуковая назва | |||||||||||||||||
|
Succisa pratensis Moench, 1794 | |||||||||||||||||
| |||||||||||||||||
Расце ва ўмераных абласцях Еўразіі, а таксама выкарыстоўваецца як дэкаратыўная і лекавая расліна. Этымалогія: лац.: pratensis — «лугавы»[4].
Назва правіць
Каманішнік лугавы, каманіца, канапель лясная, каласніца, каманішнік, куманіца, куманічнік[5][6], папы, сівец[7].
Апісанне правіць
Шматгадовая травяністая расліна з кароткім карэнішчам. Вышыня: 30—60 см. Сцёблы ад неразгалінаваных да разгалінаваных у верхняй частцы, верхняя частка ад бедна касматай да амаль голай. Лісце супраціўнае, на чарашках; пласціны ад ланцэтных да эліптычных, завостраныя, з гладкі краем, скурыстыя, голыя, бліскучыя. Суквецці паўсферападобныя, 2—3 см у дыяметры. Кветкі блакітныя (фіялетавыя), радзей белыя, варонкападобныя, 4-лопасцевыя, лопасці аднолькавага памеру, усе кветкі аднолькавага памеру. Тычынак 4. Лісточкі прыкветкаў ў 2—3 шэрагі, лісцяныя, яйкападобныя, апушаныя і раснічастыя. Плод — пакрытыя валаскамі сямянка, прыкладна 5 мм даўжынёй.
Распаўсюджанне правіць
Паўночная Афрыка (Алжыр, Туніс); Еўропа (Малдова, Украіна, Аўстрыя, Бельгія, Чэхаславакія, Германія, Венгрыя, Нідэрланды, Польшча, Швейцарыя, Данія, Фінляндыя, Ісландыя, Нарвегія, Швецыя, Вялікабрытанія, Індыя, Балгарыя, былая Югаславія, Грэцыя, Італія, Румынія, Францыя, Партугалія, Іспанія); Азія (Грузія, Расія, Турцыя). Від натуралізаваны ў некаторых частках Канады і ЗША.
Святлолюбівая, ценевынослівая расліна, мезафіт, алігатроф, мезатроф[8]. Насяляе маладыя лугі, берагі, межы лясоў, багатыя балоты, лясы на мяжы балот, лясныя пашы, шыракалістыя лясы, палявыя і дарожныя насыпы. Расліну часам высаджваюць як дэкаратыўную; яна патрабуе вільготнай глебы на сонечным месцы.
Ва Украіне расце на вільготных лугах, у хмызняках, на лясных узлесках — у Карпатах, лесастэпе, лясной зоне, звычайны; у стэпе вельмі рэдка.
Галерэя правіць
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
- ↑ Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 127. — 160 с. — 2 350 экз.
- ↑ Dictionary of Botanical Epithets
- ↑ Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. — Горы-Горкі, 1927.
- ↑ Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
- ↑ Анненков Н. Ботанический словарь, СПб., 1878.
- ↑ Сивец луговой: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.) (Праверана 7 ліпеня 2023)
Літаратура правіць
- Каманішнік // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 457. — 522 с. — 10 000 экз.
Спасылкі правіць
- Devil's-bit Scabious — Succisa pratensis // NatureGate (англ.) (Праверана 7 ліпеня 2023)
- Taxon: Succisa pratensis Moench // Germplasm Resources Information Network (GRIN) (англ.) (Праверана 7 ліпеня 2023)
- Сивец луговой: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.) (Праверана 7 ліпеня 2023)
- Succisa pratensis Moench (Сивец луговой) у базе біяразнастайнасці на сайце інфармацыйна-аналітычнай сістэмы «ООПТ России». (руск.) (Праверана 7 ліпеня 2023)