Караіндаш I

Караіндаш I — касіцкі цар Вавілоніі, кіраваў у XV стагоддзі да н.э.

Караіндаш I
Нараджэнне	XV стагоддзе да н.э.
Смерць	XV стагоддзе да н.э.
Род	Касіты
Бацька	Агум III
Дзеці	Кадашман-Харбэ I[d]
Дзейнасць	суверэн

З Ашурам, дзе тады кіраваў Ашур-бел-нішэшу Караіндаш каля 1415 г. да н.э. ізноў заключыў дагавор аб межах. Ва Уруку Караіндаш пабудаваў храм і ў сваім урукскім надпісе ён атаясамлівае сябе, падобна старажытным царам, з мужам багіні Інаны — пастухом Думузі — дакладная прыкмета таго, што ён здзейсніў тут абрад свяшчэннага шлюбу.

Застаючыся касіцкім царом, Караіндаш падкрэсліваў, што ён працягвае старую культурную і дзяржаўную традыцыю Шумера і Акада. Акадскае імя насіў прынамсі адзін з яго сыноў. Караіндаш прыняў тытул «цар Вавілона, цар Шумера і Акада, цар касітаў і цар Кар-Дуніяша» (Šàr Ka-ru-du-ni-ia-aš, літар. «Калонія бажаства, які ўручыў зямлю», так па-касіцку цяпер стала называецца Ніжняя Месапатамія). Для аховы краіны ад сутыеў Караіндаш пабудаваў на мяжы пустыні крэпасць.

Звесткі пра колькасць гадоў яго кіравання не захаваліся.

Літаратура

• История Древнего Востока. Зарождение древнейших классовых обществ и первые очаги рабовладельческой цивилизации. Часть 1. Месопотамия / Под редакцией И. М. Дьяконова. — М.: Главная редакция восточной литературы издательства «Наука», 1983. — 534 с. — 25 050 экз.
• Древний Восток и античность. // Правители Мира. Хронологическо-генеалогические таблицы по всемирной истории в 4 тт. / Автор-составитель В. В. Эрлихман. — Т. 1. (руск.)

Спасылкі

• Хроніка Р Архівавана 2 красавіка 2009.
• З Сінхранічнай гісторыі Архівавана 1 красавіка 2009.

III Вавілонская (Касіцкая) дынастыя
Папярэднік: Агум III	цар Вавілона XV стагоддзе да н.э.	Пераемнік: Кадашман-Харбэ I