Марыкопа
Марыко́па (саманазва: Piipaash, літаральна «людзі») — індзейскі народ на паўднёвым захадзе ЗША. Раней насялялі землі ўздоўж рэк Каларада і ракі Хіла. Агульная колькасць (2015 г.) — 804 чал.
| Марыкопа (Piipaash) | |
| |
1899 г.
| |
| Агульная колькасць | 804 (2015 г.) |
|---|---|
| Рэгіёны пражывання | ЗША |
| Мова | качымі-юманскія мовы |
| Рэлігія | шаманізм, культ продкаў, хрысціянства |
| Блізкія этнічныя групы | махавэ, какопа, квечан, явапай |
Іспанцы сутыкнуліся з марыкопа ў XVI ст. і сталі светкамі іх перасялення з тэрыторый на рацэ Каларада да нізоўяў ракі Хіла пад ціскам болей ваяўнічых махавэ. Відавочна, у той час яны ўяўлялі сабою адзіную ваенную канфедэрацыю малых юманскіх груп.
Назва марыкопа паходзіць ад наймення мексіканскага паселішча ў Арызоне, куды ў 1825 г. прыбылі бежанцы з гэтай канфедэрацыі, каб выратавацца ад нападаў махавэ. У XIX ст. асноўнымі заняткамі з'яўляліся паляванне, рыбалоўства, збіральніцтва. Пад уплывам піма, з якімі частка марыкопа склала канфедэрацыю, пачалі займацца земляробствам. Канфедэрацыя марыкопа і піма здолела спыніць наступ махавэ.
У другой палове XIX ст. марыкопа былі пераселены ў 2 розныя рэзервацыі ў Арызоне. Іх насельнікі размаўляюць на вельмі адрозных дыялектах, аднак лічаць сябе адзіным народам.