Праспект Шміта (Магілёў)

Праспект Шміта
праспект
Магілёў
Праспект Шміта; праспект; Магілёў
Агульная інфармацыя
Краіна	Беларусь
Рэгіён	Магілёўская вобласць
Горад	Магілёў
Раён	Кастрычніцкі раён
Працягласць	4984 м
	Медыяфайлы на Вікісховішчы

Праспект Шміта (руск.: проспект Шмидта) — праспект у паўднёва-заходняй частцы Магілёва, пераважна ў Задняпроўскім жылым раёне. Адна з галоўных транспартных магістраляў^[1].

Гісторыя правіць

Праспект пачаў фарміравацца ў 1960-я гады, калі па генеральным плане 1967—1970 пачалася комплексная забудова паўднёвай ускраіны горада (былое Лупалаўскае прадмесце) 5-, 9-павярховымі, пераважна жылымі, дамамі. Названы ў 1967 у гонар О. Ю. Шміта. Па генеральным плане 1980—1981 праспект уваходзіў у перспектыўную зону забудовы паўднёвага планіровачнага раёна^[1].

Размяшчэнне правіць

Арыентаваны з паўночнага захаду на паўднёвы ўсход, пасля скрыжавання з Габраўскай вуліцай арыентаваны з поўначы на поўдзень. Пачынаецца ад моста на скрыжаванні вуліцы Чалюскінцаў з Касманаўтаў, праспект перасякае Заводскую вуліцу, раку Дняпро па жалезабетонным мосце, плошчу Гагарына, вуліцу Мікалая Астроўскага, вул. Габраўскую. Да яго прылягаюць вуліца Сіманава, мікрараёны Задняпроўе-1, −3. Завяршаецца каля смеццеперапрацоўчага завода. Працягласць праспекта складае 4984 м^[1].

Забудова правіць

На праспекце размешчаны тэхналагічны інстытут, рэстаран «Ясень», інтэрнаты ВА «Хімвалакно» і хіміка-тэхналагічнага тэхнікума. На першых паверхах жылых дамоў размешчаны харчовыя крамы, крамы агароднінны, галантарэі і трыкатажу, камісійная, аптэка, атэлье праката, салон-крама «Мэбля», 2 бібліятэкі, гасцініца ВА «Хімвалакно», дамавая кухня, спарткомплекс, пункт праката турысцкага рыштунку^[1].

Няцотны бок правіць

Магілёўскі дзяржаўны ўніверсітэт харчавання

Магілёўская дзіцячая школа мастацтваў № 3 імя М. М. Салдатава

тэрыторыя былога Магілёўскага рэгенератнага завода.
№ 3 — Магілёўскі дзяржаўны ўніверсітэт харчавання.
Недабудаваны касцёл Святога Антонія Падуанскага.
№ 19 — Магілёўская дзіцячая школа мастацтваў №3 імя М. М. Салдатава.
№ 45 — Магілёўхімвалакно.

Цотны бок правіць

№ 20 — гасцініца ААТ «Магілёўхімвалакно».
№ 46 — рэстаран «Ясень».
Паўднёва-Усходнія (Лаўсанаўскія) могілкі.
№ 106а — Магілёўская ЦЭЦ-2.

Паркі і скверы правіць

Мемарыяльны комплекс на месцы Лупалаўскага лагера

Недабудаваны касцёл Святога Антонія Падуанскага ў парку імя 60-годдзя Вялікага Кастрычніка

На месцы былога Лупалаўскага лагера смерці створаны мемарыяльны комплекс. На ўчастку паміж вуліцай М. Астроўскага і Габраўскай з захаду да праспекта прылягае парк імя 60-годдзя Вялікага Кастрычніка^[1].

Мемарыяльныя дошкі правіць

Мемарыяльная дошка Міхаілу Салдатаву на дзіцячай школе мастацтваў № 3

На доме № 6 устаноўлена мемарыяльная дошка ў гонар Шміта^[1], на дзіцячай школе мастацтваў № 3 мемарыяльная дошка Міхаілу Салдатаву.

Зноскі

↑ ^а ^б ^в ^г ^д ^е Шмидта проспект // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.

Літаратура правіць

Шмидта проспект // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.

Спасылкі правіць

На Вікісховішчы ёсць медыяфайлы па тэме Праспект Шміта (Магілёў)

[ЭДГБ-1] а ^б ^в ^г ^д ^е Шмидта проспект // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.

[1]