Ян Вуйцік
Ян Ву́йцік (польск.: Jan Wójcik; 1913, Растоў-на-Доне — 2009) — польскі паэт і пісьменнік эміграцыі, званы «бардам Палесся»; журналіст.
Ян Вуйцік | |
---|---|
польск.: Jan Wójcik | |
Асабістыя звесткі | |
Дата нараджэння | 1913 |
Месца нараджэння | |
Дата смерці | 2009 |
Месца смерці | |
Альма-матар | |
Прафесійная дзейнасць | |
Род дзейнасці | паэт, журналіст, пісьменнік |
Мова твораў | польская |
Узнагароды |
Біяграфія правіць
Нарадзіўся ў 1913 годзе ў Растове (Расійская імперыя). У 1921 годзе сям’я пераехала ў Польшчу. Вучыўся ў пружанскай гімназіі імя Адама Міцкевіча, Артылерыйскай акадэміі афіцэраў рэзерву.
У 1939 годзе служыў на фронце афіцэрам артылерыі. Пасля капітуляцыі Варшавы трапіў у нямецкі палон і рэшту вайны правёў у лагеры для ваеннапалонных.
Пасля сканчэння вайны жыў у брытанскай акупацыйнай зоне. У 1949 годзе эміграваў у Порту-Алегры (Бразілія). Браў актыўны ўдзел у жыцці польскай эміграцыі, пісаў артыкулы ў мясцовую прэсу і польскі эміграцыйны часопіс «Kultura» ў Парыжы, вёў штотыднёвую радыёперадачу.
У 1961 годзе з сям’ёй эміграваў у ЗША, жыў у Нью-Брытэне (штат Канектыкут). Працаваў на вытворчасці, браў удзел у дзейнасці польскіх арганізацый (Haller Post Polish Army Veterans, Choir Polonia Paderewski, Solidarity International, Radio «Solidarnosc», Polish American Congress). Пісаў эсэ і артыкулы ў розныя польскія часопісы Польшчы і ЗША (вышэйпамянёная «Kultura», «Listy do Polakow», «Gwiazda Polarna»).
Па смерці Францішка Ляхоцкага перадаў яго кнігі польскаму аддзелу бібліятэкі ў Нью-Брытэне[1].
У 1996 годзе быў вылучаны на званне Чалавека года ад Польска-амерыканскага кангрэса Канектыкута[2].
Творчасць правіць
Выдаў аўтабіяграфічную кнігу «Nad pięcioma rzekami» (бел.: Над пяццю рэкамі), якая складаецца з трох частак. У «Дон — рака першая» аўтар звяртаецца да дзіцячых гадоў. Другая частка — «Мухавец — рака другая» — апавядае пра жыццё ў міжваенную дваццацігодку[3].
Пісаў таксама вершы пра родную Пружаншчыну і Палессе.
Радыёрэпартажы Вуйціка былі выдадзены ва ўніверсітэце Цэнтральнага Канектыкута ў 1993 годзе пад назвай «Drodzy sluchacze» (бел.: Паважаныя слухачы).
Узнагароды правіць
- Кавалерскі крыж ордэна Заслуг перад Рэспублікай Польшча (1995)[2]
Бібліяграфія правіць
- Polonia w/in Connecticut / Mieczysław Kierklo, Jan Wójcik. — Hartford: Komitet Obchodów Tysiąclecia Polski Chrześcijańskiej na Stan Connecticut, 1966. — 272 с.[4]
- Jan Wójcik. Balcerowi następcy. — Londyn: Nakł. Polskiej Fundacji Kulturalnej, 1975. — 198 с. — ISBN 9780850650969.[2]
- Z dziejów żołnierza-emigranta: historia «Haller Post» w New Britain / Jan Wójcik, Mieczysław Kierklo. — New Britain, Connecticut: Placówka 111 Stowarzyszenia Weteranów Armii Polskiej w Ameryce, 1991. — 152 с.[4]
- Jan Wójcik. Drodzy sluchacze: 430 pogadanek w «Glosie Solidarnosci». — New Britain, Connecticut, 1983—1992. — 372 с. (1993)[2]
- Jan Wójcik. Nad pięcioma rzekami: wspomnienia z lat 1913—1939. (Уроцлаў, 2005[5]; Хартфард, Люблін, 2009)
Зноскі
- ↑ Stanisława Mocek. Forum czytelników // Echa Polesia. — 2009. — № 4 (24). — С. 64.
- ↑ а б в г Renata Vickrey.. Jan Wojcik papers, 1945—1996. CPAA 05-14 (англ.)(недаступная спасылка). Central Connecticut State University. Архівавана з першакрыніцы 17 кастрычніка 2021. Праверана 28 студзеня 2012.
- ↑ Ks. Wiesław Haczkiewicz. Nad pięcioma rzekami // Niedziela Ogólnopolska. — 2006. — № 46. — С. 39. Архівавана з першакрыніцы 4 сакавіка 2016.
- ↑ а б Zbiory graficzne BJ - Katalog - Autor: Wójcik, Jan (1913- ) (польск.). Wirtualny Gabinet Rycin. Biblioteka Jagiellońska. Праверана 28 студзеня 2012.(недаступная спасылка)
- ↑ Nad pięcioma rzekami: wspomnienia z lat 1913-1939 (англ.). Google Books. Google. Праверана 28 студзеня 2012.
Літаратура правіць
- Mały słownik pisarzy polskich na obczyźnie 1939-1980 / red. Bolesław Klimaszewski. — Warszawa: Instytut Badań Polonijnych Uniwersytetu Jagiellońskiego, Wydawnictwo Interpress, 1992. — С. 351.
Спасылкі правіць
- Біяграфія Архівавана 17 кастрычніка 2021. (англ.) на старонцы бібліятэкі ўніверсітэта Цэнтральнага Канектыкута