Tremella fuciformis

Tremella fuciformis — від паразітычных грыбоў сямейства Tremellaceae, які шырока выкарыстоўваецца ў кулінарыі і гамеапатыі ў краінах Азіі (Кітай, Тайланд).

Tremella fuciformis
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Класс:  Tremellomycetes Парадак:  Дрыжалкавыя Сямейства:  Tremellaceae Род:  Дрыжалка Від:  Tremella fuciformis
Міжнародная навуковая назва
Tremella fuciformis
Выявы на Вікісховішчы NCBI   64657 EOL   6727366 MB   173606

Назва

Tremella fuciformis была ўпершыню апісана брытанскім батанікам Майлзам Берклі ў 1856 годзе. Японскі біёлаг Ёсіа Кабаясі Nakaiomyces nipponicus, які меў цёмныя нарасты на пладовым целе. Аднак пасля высветлілі, што гэтыя нарасты былі аскаміцэтамі, якія паразітавалі на Tremella fuciformis. У Кітаі грыб называюць срэбнае вуха (银耳 — yín ěr), снежнае вуха (雪耳 — xuě ěr). У Японіі Tremella fuciformis мае назву драўляны грыб-медуза (シロキクラゲ — shiro kikurage).

Апісанне

Пладовае цела па форме нагадвае багавінне са шматлікімі галінамі, па структуры падобнае на празрыста-белае жэле. Грыб дасягае памераў 7 см.

Жыццёвы цыкл

Tremella fuciformis паразітуе на іншых відах грыбоў, у асноўным Annulohypoxylon і гіпаксілон (Hypoxylon). Пасля ўварвання грыбніца Tremella fuciformis пачынае бурна развівацца і фармаваць пладовае цела.

Распаўсюджанне і асяроддзе пражывання

Сустракаецца ў месцах росту свайго гаспадара - на паваленых галінах і ствалах мёртвых лісцевых дрэў. У натуральным асяроддзі пражывання сустракаецца ў асноўным у трапічных і субтрапічных краінах Азіі і Цэнтральнай Амерыкі, у Аўстраліі, Новай Зеландыі і астравах Ціхага акіяна.

Выкарыстанне

У Кітаі Tremella fuciformis вырошчваюць з XIX стагоддзя. Вырошчванне снежных грыбоў прыносіць двайную выгаду, паколькі дае магчымасць вырошчваць таксама ядомы грыб-гаспадар Annulohypoxylon archeri. Традыцыйна з Tremella fuciformis рыхтуюць суп luk mei (六味), напоі, дадаюць у салодкія стравы і робяць марозіва. Грыб таксама выкарыстоўваецца ў касметычнай індустрыі для разгладжвання маршчын. Паводле даследавання 2004 года ў Кітаі вырошчваюць каля 130 тысяч тон гэтых грыбоў штогод. У Тайландзе гэтыя грыбы прадаюць сушанымі.

Літаратура

• Chang, Shu-Ting; Miles, Philip G. (2004). «Tremella — Increased Production by a Mixed Culture Technique». Mushrooms: Cultivation, Nutritional Value, Medicinal Effect, and Environmental Impact (2nd ed.). Boca Raton, Florida: CRC Press. ISBN 0-8493-1043-1.
• Stamets, Paul (2000). «Chapter 21: Growth Parameters for Gourmet and Medicinal Mushroom Species». Growing gourmet and medicinal mushrooms = [Shokuyo oyobi yakuyo kinoko no sabai] (3rd ed.). Berkeley, California, USA: Ten Speed Press. pp. 402—406. ISBN 978-1-58008-175-7.