Іван Уладзіміравіч Спірын

Іван Уладзіміравіч Спірын (нар. 21 лютага 1988, г. Магілёў) — беларускі археолаг, гісторык. Спецыяліст па гісторыі фартыфікацыі ХІІ-ХVIII ст. на тэрыторыі Аршанскага і Магілёўскага Падняпроўя. Кандыдат гістарычных навук (2017).

Іван Уладзіміравіч Спірын
Дата нараджэння	21 лютага 1988(1988-02-21) (36 гадоў)
Месца нараджэння	Магілёў, Магілёўская вобласць, БССР, СССР
Грамадзянства	Беларусь
Род дзейнасці	археолаг, гісторык
Месца працы	Інстытут гісторыі НАНБ
Навуковая ступень	кандыдат гістарычных навук (2017)
Альма-матар	гістарычны факультэт МДУ імя А. А. Куляшова[d] (2012)

Біяграфія

Нарадзіўся 21 лютага 1988 года ў Магілёве.

Скончыў у 2012 годзе гістарычны факультэт МДУ імя А. А. Куляшова, у 2013 годзе — магістратуру, у 2016 годзе — аспірантуру Інстытута гісторыі НАН Беларусі.

З 2016 года працуе ў Інстытуце гісторыі НАН Беларусі: навуковы супрацоўнік аддзела захавання і выкарыстання археалагічнай спадчыны, старшы навуковы супрацоўнік аддзела археалогіі Сярэдніх вякоў і Новага часу.

У 2017 годзе абараніў кандыдацкую дысертацыю па тэме «Фарміраванне і развіццё сістэмы абарончых збудаванняў Аршанска-Магілёўскага Падняпроўя ў XII—XVIII стст. (па археалагічных звестках)».

Навуковая дзейнасць

Навуковыя інтарэсы: абарончая архітэктура ВКЛ і звязаныя з ёй падзеі ваеннай гісторыі Беларусі.

Бібліяграфія

Удзел у калектыўных працах

• Беларускае Падзвінне: вопыт, методыка і вынікі палявых і міждысцыплінарных даследаванняў : зборнік артыкулаў. Наваполацк, 2014.

Літаратура

• СПІРЫН Іван Уладзіміравіч // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с. — ISBN 978-985-7257-57-7, 978-609-96340-1-2.