'''Сыч касматаногі''' (''Aegolius funereus'') — невялікая сава з буйной шырокай галавой, з выбітнымадметным тваравым дыскам і маленькімі пёркавымі вушкамі. Памер птушкі ў сярэднім не перавышае памеры голуба. Агульная даўжыня 21-27 см, даўжыня крыла 16-19 см, маса - 120-190 г. [[самка|Самкі]] буйнейшыя за [[самец|самцоў]]. Крылы доўгія і шырокія. Хвост кароткі. Лапы з густым пер'ем да кіпцюроў (ад гэтага назва). Афарбоўка бурая з белымі плямамі. Апошнія добра прыкметныя на галаве, шыі, плячах. Ніз светла-шэры, з нярэзкімі светла-бурымі стракацінкамі. Вочы і [[дзюба]] жоўтыя, кіпцюры чорныя. Маладыя птушкі адрозніваюцца ад дарослых каштанава-бурым апярэннем.
