Касцёл Святога Антонія Падуанскага (Віцебск): Розніца паміж версіямі

== Інтэр'ер ==

Паўкруглую апсіду ў інтэр’еры запаўняў магутны 2-ярусны барочны алтар, падсвечаны 2 высокімі бакавымі арачнымі аконнымі праёмамі. Першы ярус алтара быў вырашаны карынфскай каланадай, што несла крапаваны прафіляваны антаблемент, другі уяўляў сабой прамавугольны шчыт з ляпным пано "Глорыя" і бакавымі валютамі з фігуркамі анёлаў. Ідэнтычна, але ў меншым маштабе, былі вырашаны кулісныя алтары. Падлога была выкладзена тэракотавай пліткай. Сярод касцельнага начыння вылучаўся абраз-палатно "Св. Іасафат" у фігурнай разной раме ў стылі ракако.