Глушэц: Розніца паміж версіямі

Аседлая птушка. Селіцца ў лясах [[Еўропа|Еўропы]] і [[Азія|Азіі]]. У [[Беларусь|Беларусі]] нешматлікі аселы від. Водзіцца ў хваёвых і мяшаных сухадольных лясах, радзей на мохавых балотах [[Паазер'е|Паазер'я]], [[Рака Прыпяць|Прыпяцкага]] [[Палессе|Палесся]], у [[Белавежская пушча|Белавежскай пушчы]]. Народная назва на Палессі ''когут''. У [[Бярэзінскі запаведнік|Бярэзінскім запаведніку]] вывучаецца вальернае ўтрыманне і развядзенне ў няволі.

Самы буйны з баравой дзічыны. Даўжыня [[Самец|самцоў]] да 110 см, маса да 6,5 кг, [[Самка|самкі]] ўдвая меншыя. У самцоў верх [[Галава|галавы]], шыя, спіна шэрыя з цёмным малюнкам, крылы карычнева-бурыя, валлё чорнае з металічным бляскам, брушка цёмнае з буйнымі белымі плямамі. Доўгае [[Пяро|пер'е]] на падбародку і гарляку. Самка стракатая: буравата-рыжая з чорнымі пярэсцінкамі. Палігам. Вясной глушцы збіраюцца на шлюбныя гульні, самцы пяюць, б'юцца паміж сабой (такуюць). Падчас спеваў («скіркання») глушэц нічога не чуе (адсюль назва). Гняздуецца на зямлі.
Адкладвае 6—8 (зрэдку да 12—16)<ref name="bse" /> яек. Выседжвае толькі самка 25—28 дзён<ref name="bse" />.
Корміцца ігліцай, [[ягада]]мі, [[кветка]]мі, [[Пупышка|пупышкамі]], [[Насякомыя|насякомымі]]. Колькасць скарачаецца, у шэрагу краін, у тым ліку ў Беларусі, пад аховай.