Лунд: Розніца паміж версіямі

== Гісторыя ==

Лунд быў заснаваны каля 990 года. Такім чынам, ён з'яўляецца, разам з [[Сігтуна]]й і [[Скара]]й адным з найстарэйшых гарадоў [[Швецыя|Швецыі]], аднак у адрозненне ад вышэйназваных, ён не з'яўляецца спрадвечна шведскім: як і ўвесь [[лен Сконэ|Сконэ]], ён быў далучаны да [[Швецыя|Швецыі]] толькі ў 1658 годзе, а дагэтуль быў [[Данія|дацкім]]. У [[XI стагоддзе|XI стагоддзі]] Лунд становіцца цэнтрам [[біскупства]]. У той самы час, гэта быў найбуйнейшы горад [[Данія|Даніі]]: у ім жыло прыкладна 3—4 тысячы жыхароў. Аднак пачынаючы з [[XIV стагоддзе|XIV стагоддзя]], ён паступова страчвае сваю значнасць з-за росту суседняга [[Мальмё]]. Неўзабаве пасля далучэння да [[Швецыя|Швецыі]], у 1666 годзе тут быў заснаваны [[Лундскі ўніверсітэт|ўніверсітэт]], аднак да [[XIX стагоддзе|XIX стагоддзя]] ў ім кожны год навучалася ўсяго толькі сотня студэнтаў. На пачатку [[XVIII стагоддзе|XVIII стагоддзя]] горад перажыў некалькі пожараў і чуму. У 1716—1718 гадах тут жыў і кіраваў краінай кароль [[Карл XII]]. У 1856 годзе ў Лунд з [[Мальмё]] была пракладзена [[чыгунка]], і пачалася індустрыялізацыя горада, а напрыканцы [[XIX стагоддзе|XIX стагоддзя]] значна павялічылася колькасць студэнтаў. Апасля [[Другая сусветная вайна|Другой сустветнай вайны]] горад пачынае расці па-сапраўднаму: насельніцтва вырасла з 40 000 чалавек у 1950 годзе да амаль 74 000 чалавек у 2000, былі пабудаваны новыя дарогі, жылыя кварталы, заснавана Вышэйшая Тэхнічная школа.

 

== Славутасці ==