Пыранка: Розніца паміж версіямі

'''ПЫРАНКА''', ''Хамутоўка'' — [[рака]] ў [[Гродзенскі раён|Гродзенскім раёне]], правы прыток ракі [[рака Котра|ракі КотрыКотра]] (басейн [[Рака Нёман|Нёмана]]).

Даўжыня ракі 44 км. Плошча [[вадазбор]]у 622 км². Сярэднегадавы расход вады ў вусці 3,5 м³/с. Сярэдні [[Ухіл ракі|нахіл воднай паверхні]] 0,4 м/км. Пачынаецца з возера Малочнае, цячэ праз азёры [[Возера Белае, Гродзенскі раён|Белае]] і [[Возера Рыбніца|Рыбніца]], упадае ў Котру на поўдзень ад вёскі Гушчыцы. Ад вытоку да возера Белае называецца Xамутоўка. Асноўны [[прыток]] — рака Бярвенка. [[Даліна]] ў сярэднім цячэнні невыразная, у верхнім і ніжнім трапецападобная (шырыня 200—300 м). [[Пойма]] ў верхнім цячэнні двухбаковая, шырыня 30—40 м, у ніжнім — пераважна правабярэжная. Азёрнасць басейна 2 % (найбольшыя азёры Вераўскае, Белае, Рыбніца, Кальніца, [[Возера Зацкава|Зацкава]], Антвозера). Рэчышча ў верхнім цячэнні звілістае (шырыня 3—4 м, месцамі да 10 м), на ўчастку ніжэй возера Рыбніца да вёскі Пыра (3,2 км) каналізаванае.