'''Урал''' (да 1775 года — ''Яік''; {{lang-ba|}}{{Audio-IPA|BA-Яйыҡ.ogg|Яйыҡ}}, {{lang-kk|Жайық}}) — рака ў [[Башкартастан]]е, [[Чалябінская вобласць|Чалябінскай]] і [[Арэнбургская вобласць|Арэнбургскай абласцях]] [[Расія|Расіі]] і Заходне-Казахстанскай і Атыраускай абласцях [[Казахстан]]а. Даўжыня 2428 км. [[Вадазбор]] 231 тыс. км². Сярэднегадавы расход вады ў [[Вусце (частка ракі)|вусці]] 0,225 тыс. м³/сек. Пачынаецца на схілах хрыбта [[Уралтау]], да горада [[Орск]] цячэ ўздоўж усходніх схілаў [[Паўднёвы Урал|Паўднёвага Урала]] ў вузкай даліне. Ніжэй горада [[Верхнеўральск]] набывае рысы раўніннай ракі. Ніжэй горада [[Магнітагорск]] цячэ сярод скалістых берагоў, шмат перакатаў. Ад горада [[Уральск]] даліна шырокая, шмат прытокаў, [[старыца|старыц]] і азёр. Упадае ў [[Каспійскае мора]] ніжэй горада [[Атырау]], у вусці падзяляецца на 2 рукавы: Яіцкі і Залаты (суднаходны). Галоўныя прытокі: [[рака Ор|Ор]], [[рака Ілек, прыток Урала|Ілек]] (злева), [[рака Сакмара|Сакмара]] (справа). Ледастаў у вярхоўях з пачатку лістапада да пачатку красавіка, у сярэднім і ніжнім цячэнні з канца лістапада да канца сакавіка. Сярэдні гадавы расход вады каля сяла Кушум 322 м³/с, ніжэй памяншаецца (каля горада [[Атырау]] 225 м³/с). Каля 80 % сцёку прыпадае на веснавое разводдзе, у час якога рака разліваецца больш чым на 10 км, у дэльце на некалькі дзясяткаў кіламетраў. Выкарыстоўваецца для арашэння ў сярэднім і ніжнім цячэнні. Вадасховішчы: Верхнеўральскае, Магнітагорскае, Ірыклінскае. [[Суднаходства]] ад горада Уральск. На Урале — гарады [[Верхнеўральск]], [[Магнітагорск]], [[Орск]], [[Наватроіцк]], [[Арэнбург]] ([[Расія]]), Уральск, [[Атырау]] ([[Казахстан]])
