Аляксей Мікалаевіч Пляшчэеў: Розніца паміж версіямі

Вучыўся ў [[Пецярбургскі ўніверсітэт|Пецярбургскім універсітэце]] ў 1843-45 гадах. У 1849 годзе за ўдзел у гуртку М. В. Петрашэўскага прыгавораны да пакарання смерцю, замененага ссылкай радавым у Арэнбургскія лінейныя войскі. У 1859 годзе вярнуўся ў Маскву. Друкаваўся з 1844 года. У ранняй лірыцы (зборнік «Вершы», 1846) ідэі сацыялістычнага ўтапізму. Вершы «Уперад! Без страху і сумнення», «Па пачуццях браты мы з табою» сталі песнямі. Проза («Аповесці і апавяданні», часткі 1-2, 1860) блізкая да натуральнай школы. Аўтар зборніка «Новыя вершы» (1863), п'ес, блізкіх да вадэвілю, крытычных артыкулаў, фельетонаў, вершаў для дзяцей. Перакладаў англійскую, венгерскую, італьянскую, нямецкую паэзію. Многія вершы пакладзены на музыку М.Рымскім-Корсакавым, [[Пётр Ільіч Чайкоўскі|П.Чайкоўскім]].