Об: Розніца паміж версіямі

Даўжыня 3650 км (ад вытоку ракі [[Катунь]] 4338 км, ад вытоку ракі [[Іртыш]] 5410 км, [[вадазбор]] 2990 тыс. км². Сярэднегадавы расход вады ў [[Вусце (частка ракі)|вусці]] 12,7 тыс. м³/сек. Утвараецца ад сутокаў рэк [[Бія]] і [[Катунь]] на [[Алтай|Алтаі]]. Цячэ па [[Заходне-Сібірская раўніна|Заходне-Сібірскай раўніне]] ў шырокай даліне, якая паступова расшыраецца ад 5—10 км каля горада [[Барнаул]] да 50—60 км ніжэй упадзення ракі Іртыш. [[Пойма]] Обі парэзана рукавамі, пратокамі і азёрамі. Упадае ў [[Обская губа|Обскую губу]] [[Карскае мора|Карскага мора]], утварае дэльту (плошча больш 4000 км²), дзе вылучаюцца рукавы: Хаманельская Об (левы) і Надымская Об (правы). Галоўныя прытокі: [[Том (прыток Абі)|Том]], [[Чулым (прыток Обі)|Чулым]], [[Кець]], [[Тым]], [[Вах]] (справа), [[Васюган]], [[Вялікі Юган]], [[Іртыш]], [[Паўночная Сосьва]], [[Вялікі Салым]] (злева). Веснавое разводдзе, летне-асеннія паводкі, зімовая межань. Ледастаў ў вярхоўях ад лістапада да красавіка, у ніжнім цячэнні ад кастрычніка да мая—чэрвеня. Сярэдні расход вады каля горада Салехард 12,5 тыс. м³/с, маскімальны 42,8 тыс.м³/с, мінімальны — 1,65 тыс. м³/с. Цвёрды сцёк 16 млн.тон.