Паўночная Карэя: Розніца паміж версіямі

З насельніцтвам у 25 млн чалавек КНДР удвая меншая за [[Рэспубліка Карэя|Рэспубліку Карэю]]. Такім чынам, у аб'яднанай Карэі пражывала б каля 72 млн чалавек. Насельніцтва паступова расце, прырост складае каля 5 чалавек на 1000 (нараджальнасць каля 14, смяротнасць — 9). Эміграцыі амаль не адбываецца. Асноўная маса сучасных эмігрантаў — малаадукаваныя жанчыны з памежных з Кітаем вёсак, што з'язджаюць на заробкі ў Кітай. Такім чынам, эміграцыя носіць пераважна эканамічны, а не палітычны характар.

Амаль усё насельніцтва — [[карэйцы]]. Вернікі пераважна анімісты, будысты і прыхільнікі канфуцыянства. Таксама ёсць прыхільнікі нацыянальнай сінкрэтычнай рэлігіі чхандагё. Сярэднегадавы прырост каля 0,5 % (2018). Сярэдняя шчыльнасць 198 чал./км². Найбольш густа заселены раўніны і ўзбярэжжы (да 300—400 чал./км²). У гарадах больш 70 % насельніцтва (1997). Найбуйнейшыя гарады: Пхеньян, Хамхын, Чханджын, Нампхо, Хэджу, Сіныйджу, Вансан. У прамысловасці занята каля 30 % працаздольнага насельніцтва, у [[сельская гаспадарка|сельскай]], лясной гаспадарцы і марскіх промыслах — каля 46 %.