Брэсцкі абласны краязнаўчы музей: Розніца паміж версіямі

Асноўны фонд музея і яго філіялаў ([[2008]]) налічвае 161 900 адзінак захоўвання, навукова-дапаможны — 54 569 адзінак. Агульная экспазіцыйная плошча 510 м², выставачная — 248,8 м². На 1-м паверсе ў 4 залах размешчана экспазіцыя «Родная прырода», у якой прадстаўлены асноўныя тыпы раслін і жывёл, што насяляюць Брэсцкую вобласць.

Экспанаты 1-й залы характарызуюць фізіка-геаграфічныя асаблівасці [[Берасцейшчына|Берасцейшчыны]], карысныя выкапні і геалагічную гісторыю краю. Тут дэманструюцца [[акамянеласці]] [[Мелавы перыяд|мелавога перыяду]] [[мезазойская эра|мезазойскай эры]] — [[марскія вожыкі]], [[губкі]], ракавіны марскіх [[малюскі|малюскаў]], а таксама рэканструкцыя левай пярэдняй канечнасці [[мамант]]а вышынёй 3,5 м. Прыродныя ландшафты Брэсцкай вобласці і асноўныя прадстаўнікі флоры і фаўны паказаны ў 4 дыярамах. Асаблівае месца ў экспазіцыі займае калекцыя насякомых (налічвае каля 500 прадстаўнікоў розных атрадаў). Другая зала прысвечана самаму вялікаму і старажытнаму лесу Еўропы — [[Белавежская пушча|Белавежскай пушчы]]. Экалагічныя праблемы, пытанні аховы навакольнага асяроддзя раскрываюць экспанаты наступных залаў.