Тодар Лебяда: Розніца паміж версіямі

Паходзіў з рабочай сям'і. У Віцебску скончыў сямігодку і чыгуначнае рамеснае вучылішча. У 1933 г. паступіў у [[Мінскі педінстытут]]. У 1936 г. арыштаваны, сасланы ў [[Новасібірская вобласць|Новасібірскую вобласць]]. У 1940 г. прывезены ў Мінск для перагляду справы, на Беларусі яго і заспела вайна. Падчас нямецкай акупацыі жыў у Віцебску, рэдагаваў газету [[Беларускае слова (1941)|«Беларускае слова»]]. У чэрвені 1944 г. выехаў у [[Германія|Германію]]. У канцы 1945 г. вярнуўся на Радзіму. У 1947 г. зноў арыштаваны, прыгавораны ваенным трыбуналам войск МУС па Мінскай вобласці на 25 гадоў пазбаўлення волі. Пакаранне адбываў ў сібірскіх канцлагерах. Вызваліўся ў 1956 г., у Беларусь вярнуўся ў 1960-м. У 1960—1962 гг. жыў у [[Слонім]]е, працаваў рэзчыкам паперы на мясцовай кардонна-папяровай фабрыцы. У студзені 1962 г. пераехаў у Чэрвень, працаваў у раённай газеце. Свае вершы, фельетоны, гумарэскі друкаваў пад псеўданімам °'' Клім Каліна°''.