Кветкава-дэкаратыўныя расліны: Розніца паміж версіямі

'''Кветкава-дэкаратыўныя расліны''' — зборная група культ.[[Культурныя расліны|культурных]] і [[Дзікарослыя расліны|дзікарослых]], пераважна [[Травяністыя расліны|травяністых раслін]], якія выкарыстоўваюцца ў [[Кветкаводства|кветкаводстве]] для [[азеляненне|азелянення]], упрыгожвання [[інтэр’ер]]а памяшканняў і будынкаў, ідуць на зрэзку. Вырошчваюцца ў адкрытым і закрытым грунтах.

Кветкава-дэкаратыўныя расліны адкрытага грунту падзяляюць на [[Аднагадовыя расліны|адна-]], [[двухгадовыя расліны|двух-]] і [[шматгадовыя расліны|шматгадовыя]]. Іх выкарыстоўваюць для [[букет]]аў і афармлення [[клумба]]ў, [[рабатка|рабатак]], [[міксбордар]]аў, партэраў (напрыклад, аднагадовыя [[агератум]], [[аксамітка]], [[астра]], [[ільвіны зеў]], [[цынія]]; двухгадовыя [[званочак]], [[наперстаўка]], [[незабудка]], [[фіялка]]; шматгадовыя [[гіяцынт]], [[касач]], [[ландыш]], [[півоня]], [[прымула]], [[Нарцыс (род раслін)|нарцыс]], [[цюльпан]], [[вяргіня]], [[канна]], [[шпажнік]]), [[павойныя расліны|павойныя]] і [[лазячыя расліны]] на ўпрыгожванне сцен будынкаў, [[агароджа]]ў, [[балкон]]аў, [[тэраса|тэрас]] (напрыклад, аднагадовыя [[пахучы гарошак]], [[іпамея]], [[настурка]]; шматгадовыя [[клематыс]], [[плюшч]], [[капрыфоль]]).

Кветкава-дэкаратыўныя расліны закрытага грунту пераважна субтрапічныя і трапічныя. Сярод іх вылучаюць сезоннаквітучыя (вазонныя [[пеларгонія]], [[цыкламен]]; грунтавыя [[гваздзік рэмантантны]], [[ружа]]), [[выганачныя расліны|выганачныя]] ([[гіяцынт]], [[Нарцыс (род раслін)|нарцыс]], [[цюльпан]]), [[Вечназялёныя расліны|вечназялёныя]] ([[Травяністыя расліны|травяністыя]] — [[аспідыстра]], [[спаржа]], [[папараць]]; [[павойныя расліны|павойныя]] і [[ампельныя расліны|ампельныя]]  — [[плюшч]], [[традэсканцыя]]; [[сукуленты]] — [[агава]], [[алоэ]], [[кактусы]], [[эйфорбія]]; [[дрэвы]] і [[кусты]] — [[азалія]], [[пальма]], [[цытрусавыя]]).