Будынак мужчынскай гімназіі быў пабудаваны ў [[1844]] г. па праекце архітэктара К.[[Казімір Хршчановіч|Казіміра Хршчановіча]] ў стылі [[класіцызм]]у. Мураваны прамавугольны ў плане двухпавярховы будынак быў накрыты [[двухсхільны дах|двухсхільным дахам]]. [[Карнізны пояс]] падзяляў сіметрычны галоўны фасад на два [[Ярус (архітэктура)|ярусы]] (ніжні апрацаваны [[руст]]ам). Цэнтральная частка была вылучана [[рызаліт]]ам з галоўным уваходам, аформленым плоскімі [[Лапатка (архітэктура)|лапаткамі]]. Рызаліт завяршаўся прамавугольным [[атык]]ам, [[вокны]] другога паверху аздабляліся паўцыркульнымі [[ніша]]мі, на першым паверсе былі прамавугольныя. Планіроўка [[калідор]]ная. З паўднёвага ўсходу да гімназіі быў прыбудаваны двухпавярховы корпус дабрачыннага мужчынскага пансіёна<ref name="АБ">{{крыніцы/Архітэктура Беларусі (1993)|Мінскай мужчынскай гімназіі будынак}}</ref>.
