Касцёл Хрыста Валадара (Азёры): Розніца паміж версіямі

Драўляны касцёл у традыцыях народнага драўлянага дойлідства ўяўляў сабой працяглы аб’ём з пяціграннай [[апсіда]]й і адной сакрыстыяй (справа). Галоўны фасад завяршала чацверыковая двух’ярусная вежа-[[званіца]] пад чатырохсхільным дахам. Касцёл быў накрыты двухсхільным гонтавым дахам з вальмамі над апсідай. Залавы інтэр’ер, перакрыты люстраным дашчаным скляпеннем, упрыгожвалі тры двух’ярусныя [[алтар]]ы, вырашаныя [[карынфскі ордэр|карынфскай]] каланадай у выглядзе фігур святых. Высокамастацкай каштоўнасцю вылучаліся разны амбон і шытыя са [[слуцкія паясы|слуцкіх паясоў]] арнаты.

 

У ХIХ ст. да Азёрскай парафіі належалі капліцы ў [[вёска Котра|Котры]] (цяпер Скідзельская парафія), [[Новая Руда|Новай Рудзе]] (з 1914 самастойная парафія), [[Скідзель|Скідзелі]] (з 1991 самастойная парафія) і на мясцовых могілках. У канцы ХIХ ст. колькасць вернікаў Азёрскай парафіі налічвала амаль 5300 чалавек. Касцёл быў рэканструяваны паводле праекта 1925 года. У 1927—28 галоўны фасад святыні ўпрыгожылі дзве трох’ярусныя чацверыковыя вежы-званіцы. Перад Другой сусветнай вайной Азёрская парафія лічылася адносна невялікай — каля 1000 вернікаў. Капліца на могілках ужо не згадвалася.