Кацярына Аляксееўна Далгарукава
Кацярына Аляксееўна Далгарукава (1712—1747) — расійская князёўна, дачка князя Аляксея Рыгоравіча Далгарукава, нявеста імператара Пятра II.
| Кацярына Аляксееўна Далгарукава | |
|---|---|
| руск.: Екатери́на Алексе́евна Долгору́кова | |
 | |
| Нараджэнне | 1712[1][2] |
| Смерць |
1747[1][2] |
| Месца пахавання | |
| Род | Далгарукавы |
| Імя пры нараджэнні | руск.: Екатерина Алексеевна Долгорукова |
| Бацька | Аляксей Рыгоравіч Далгарукаў[d] |
| Маці | Праскоўя Юр'еўна Далгарукава[d] |
| Дзейнасць | фрэйліна |
| Узнагароды |
 |
 Медыяфайлы на Вікісховішчы | |
Біяграфія правіць
19 лістапада 1729 года была абвешчана нявестай чатырнаццацігадовага імператара, а 30 лістапада адбыліся яе ўрачыстыя заручыны, ёй быў дадзены тытул «Яе высокасць гасударыня-нявеста».
Аднак жонкай Пятра II Кацярына так і не стала — за два тыдні да вяселля, у студзені 1730 года Пётр II захварэў і памёр. Далгарукавы падрыхтавалі падробленае завяшчанне на карысць «гасударыні-нявесты», але не рызыкнулі яго прад’явіць.
Пасля смерці Пятра II князёўна Кацярына вярнулася да бацькоў і разам з імі, па ўступленні на пасад імператрыцы Ганны Іаанаўны, у красавіку 1730, сасланая ў Бярозаў, а таксама ўтрымоўвалася ў Томску ў Томскім манастыры Раства Хрыстовага.
Імператрыца Лізавета загадала вызваліць яе і надала ёй званне фрэйліны. У 1745 годзе яна выйшла замуж за генерал-паручыка графа А. Р. Бруса, але неўзабаве застудзілася і памерла.