Алмацінскі музычны каледж імя П. І. Чайкоўскага
Алмацінскі музычны каледж імя П. І. Чайкоўскага — першая ў Казахстане музычная навучальная ўстанова.[1]
| Алмацінскі музычны каледж імя П. І. Чайкоўскага | |
|---|---|
| Тып | вышэйшая музычная навучальная ўстанова[d] |
| Размяшчэнне | |
Першым дырэктарам быў Сагыр Камалаў, а яго намеснікам — будучы акадэмік, казахскі кампазітар Ахмет Жубанаў.
Гісторыя правіць
Алма-Ацінскае музычнае вучылішча імя П. І. Чайкоўскага адкрылася ў 1931 годзе.
23 красавіка 1932 года выйшла пастанова «Аб перабудове літаратурна-мастацкіх арганізацый», і ў верасні 1932 года быў адкрыты музычна-драматычны тэхнікум. Першы дырэктар тэхнікума — савецкі, казахскі пісьменнік, драматург Сагыр Аймагамбетавіч Камалаў.
У год адкрыцця было прынята 30 вучняў. У 1933—1934 навучальным годзе студэнцкі кантынгент складаў ужо 130 чалавек, у іх ліку было 25 студэнтаў тэатральнага аддзялення. Урад Рэспублікі вырашыў адклікаць аспіранта Ленінградскай акадэміі мастацтвазнаўства Ахмета Куанавіча Жубанава і прызначыць яго намеснікам дырэктара. Неўзабаве па ініцыятыве А. Жубанава была створана эксперыментальная музычная майстэрня па ўдасканаленні народных інструментаў, адкрыты навукова-даследчы кабінет па запісе і вывучэнні народнай музыкі, арганізаваны студэнцкі ансамбль казахскіх народных інструментаў, які на Першым Усеказахстанскім злёце народных талентаў у 1934 годзе прадэманстраваў сваё майстэрства. Пастановай Прэзідыума КазЦВК было прынятае рашэнне аб стварэнні на аснове студэнцкага ансамбля аркестра казахскіх нацыянальных інструментаў (цяпер — Казахскі Дзяржаўны акадэмічны аркестр народных інструментаў імя Курмангазы), дырыжорам і мастацкім кіраўніком якога быў прызначаны Ахмет Жубанаў.
У 1940 годзе ў гонар 100-гадовага юбілею П. І. Чайкоўскага вучылішчу было прысвоена імя кампазітара.
11 снежня 1995 года Загадам № 312 Міністэрства адукацыі Рэспублікі Казахстан музычнае вучылішча імя П. Чайкоўскага было пераўтворана ў музычны каледж.
У адпаведнасці з пастановай Урада Рэспублікі Казахстан ад 27 жніўня 1999 года №1264 «Аб рэарганізацыі ўстаноў Міністэрства аховы здароўя, адукацыі і спорту Рэспублікі Казахстан» музычны каледж імя П. І. Чайкоўскага становіцца Рэспубліканскім дзяржаўным казённым прадпрыемствам «Алмацінскі музычны каледж імя П. І. Чайкоўскага».
У 2017 годзе Алмацінскі музычны каледж імя П. І. Чайкоўскага першым сярод адукацыйных устаноў у сферы мастацтва паспяхова прайшоў працэс Міжнароднай акрэдытацыі.
Зноскі
- ↑ История – Алматинский Музыкальный Колледж имени П.Чайковского (англ.). Архівавана з першакрыніцы 19 верасня 2020. Праверана 7 чэрвеня 2020.
Літаратура правіць
- Алма-Ата: Энциклопедия (руск.) / Главный редактор М. К. Козыбаев. — Алма-Ата: Главная редакция Казахской советской энциклопедии, 1983. — 607 с. — 60 000 экз.
- Алма-Ата — столица Казахской ССР (руск.). — Алма-Ата: Казгосиздат, 1960. — С. 301. — 307 с. — (40 лет КазССР. 1920-1960). — 9 000 экз.
- Мендалиев А. Е. История становления и развития специализации «Оркестровое дирижирование» в системе музыкального образования Республики Казахстан(руск.) // Интернаука : электрон. научн. журн. — М.: 2019. — № 25(107). — С. 8—11. — ISSN 2542-0348. Архівавана з першакрыніцы 5 лютага 2021.