Атаманскі крыж (Беларускае казацтва)

Атаманскі крыж — ордэн рэспубліканскай грамадскай арганізацыі «Беларускага казацтва».

Атаманскі крыж
Краіна	Беларусь
Тып	ордэн
Каму ўручаецца	вайскоўцам
Кім уручаецца	Савет атаманаў (Беларускае казацтва)
Падставы ўзнагароджання	праца на карысць беларускага казацтва
Дата заснавання	5 траўня 1999 года
Статус	уручаецца
Характарыстыкі
Памеры	53 x 53 мм 38 x 38 мм (малы) 40 x 40 мм (з 2006)

Гісторыя

Ордэн быў заснаваны 5 траўня 1999 года «Палажэннем аб узнагародах Беларускага казацтва», а 21 чэрвеня 2006 года ордэн пацярпеў некаторыя змены.

Падставы для ўзнагароджання

Ордэн даецца вайсковым начальнікам за асаблівыя заслугі ў стварэнні ўмоваў для адраджэння беларускага казацтва, арганізацыйнай дзейнасці па фармаванні казацкіх арганіацыяў і кіраванню імі, у паляпшэнні кантактаў і сувязяў між Беларускага казацтва і казачымі арганізацыямі іншых краінаў, а таксама з органамі дзяржаўнага кіравання

Апісанне

Атаманскі крыж мае форму крыжа грэцкага, канцы якога пакрытыя белай эмалью, памерам 53 x 53 мм. У ягоным цэнтры змантаваны накладны чырвоны медальён дыяметрам 12 мм з абрэвіятурай «БК» (Беларускае казацтва). Мацаванне вінтавое. Выраблены з жоўтага сплаву на Мінскім заводзе «Гастэле» ў колькасці 100 штук.

Варыянт 1999 года

Існуе варыянт гэтага ж ордэна з жоўтага сплаву памерам 38 x 38 мм. 20 ордэнаў малога варыянта вырабленыя з сярэбра.

21 чэрвеня 2006 года зацверджаны новы варыянт Атаманскага крыжа (памерам 40 x 40 мм). Ён адрозніваецца, акрамя як памерам, наянасцю цярновага вянка дыяметрам 12 мм, які абрамляе цэнтральны медальён. У іншых дэталях крыж ідэнтычны ранейшым варыянтам. Гэта грэцкі крыж, канцы якога пакрытыя белай эмалью. У ягоным цэнтры змантаваны накладны чырвоны медальён з цярновым вянком з абрэвіятурай «БК».

Спасылкі

• Рэспубліканскае грамадскае аб’яднанне «Беларуское Казацтва»