Бугаку

Бугаку — японскае музычна-танцавальнае прадстаўленне. З'яўляецца часткай гагаку — выканальніцкіх традыцый, якія незалежна ад паходжання і формаў апякуюцца Імператарскім дваром. Створаны ў 701 годзе з мэтай практычнага асваення прыдворнай культуры Кітая, бугаку да канца перыяду Хэян (794-1185) існаваў толькі як прыдворны тэатр, а затым зрабіўся часткай будысцкіх рытуалаў і сінтаісцкіх абрадаў і свят ва ўсёй Японіі, адначасова захоўваючы свой статус пры двары.

У межах бугаку ўпершыню быў распрацаваны і ужыты дзё-ха-кю (уступ-развіццё-завяршэнне) — кампазіцыйна-рытмічны прынцып, які зрабіўся ўніверсальным і для іншых тэатральных формаў Японіі. Сучасны рэпертуар бугаку складаюць масачныя і безмасачныя танцы.

Літаратура

Harich-Schneider E. Rhythmical patterns in Gagaku and Bugaku. — E.J. Brill, 1954. — 109 p. — (Ethno-musicologica).
Ortolani B. Bugaku // The Japanese theatre: from shamanistic ritual to contemporary pluralism. — Princeton University Press, 1995. — P. 39—53. — 375 p. — ISBN 0-691-04333-7.