Будынак гарадскога тэатра (Быдгашч)
Будынак гарадскога тэатра (польск.: Teatr Miejski w Bydgoszczy) — былы будынак тэатра ў Быдгашчы, цяпер Куяўска-Паморскага ваяводства Польшчы. Існаваў у 1896—1946 гадах.
Славутасць | |
Будынак гарадскога тэатра | |
---|---|
53°07′27″ пн. ш. 18°00′05″ у. д.HGЯO | |
Краіна | |
Месцазнаходжанне | |
Архітэктар | Генрых Зелінг[d] |
Дата заснавання | 1896 |
Дата скасавання | 1946 |
Медыяфайлы на Вікісховішчы |
Гісторыя правіць
Тэатральны будынак быў узведзены на падмурку кармеліцкага касцёла Найсвяцейшай Дзевы Марыі, які быў знесены ў 1824 годзе. Будынак быў адкрыты 3 верасня 1824 года.
Будынак двойчы перабудоўваўся пасля пажараў 30 жніўня 1835 года і 24 сакавіка 1890 года. Апошняя рэканструкцыя была звязана з узвядзеннем у 1895—1896 гадах манументальнага прадстаўнічага будынка па праекце берлінскага архітэктара і каралеўскага саветніка па будаўніцтве Генрыха Хрысціяна Зелінга (1852—1932).
У міжваенны перыяд тэатр быў найважнейшай культурнай установай горада. Першы польскі спектакль адбыўся 5 снежня 1919 года.
У час Другой сусветнай вайны тэатр перайшоў пад кантроль нямецкіх акцёраў з Рыгі, перавезеных у Быдгашч па пакту Молатава-Рыбентропа.
У 1945 годзе падчас баёў за вызваленне горада будынак значна пацярпеў і згарэў. Рашэнне аб зносе тэатра, які можна было б адбудаваць, прыняў тагачасны віцэ-прэзідэнт горада Ягнеўскі. Канчаткова будынак знеслі вясной 1946 года, а тэрыторыю знесенага тэатра ператварылі ў зялёную зону.
-
Месца, дзе раней быў тэатр