Буха

Буха (анг. Boukha, іўр. בּוּכה) — нацыянальны туніскі алкагольны напой моцнасцю 36 — 40 %. Вырабляецца шляхам збражывання і наступнай простай дыстыляцыяй фінікаў туніскага ці турэцкага паходжання. Дакладна не вядома, калі і як з’явілася буха. На мясцовым яўрэйска-арабскім слэнгу «буха» азначае «пары алкаголю». Прамысловую вытворчасць бухі заснаваў Абрагам Бакобса ў 1880 годзе ў вінакурне «La Soukra» каля Туніса, ён жа заснаваў кампанію, якая з’яўляецца асноўным вытворцам бухі — «Bokobsa».