Васіль Петручук

Васіль Петручук (23 жніўня 1926, в. Грабавец Бельскага павета Беластоцкага ваяводства — 19 студзеня 2019, Беласток) — беларускі пісьменнік.

Васіль Петручук
Асабістыя звесткі
Дата нараджэння	23 жніўня 1926(1926-08-23)
Месца нараджэння	Грабавец, гміна Лубін Касцельны[d], Бельскі павет, Беластоцкае ваяводства, Польская Рэспубліка
Дата смерці	19 студзеня 2019(2019-01-19) (92 гады)
Месца смерці	Беласток, Падляскае ваяводства, Польшча
Пахаванне	Беласток
Прафесійная дзейнасць
Род дзейнасці	пісьменнік
Мова твораў	беларуская
Грамадская дзейнасць
Член у	Беларускае літаратурнае аб’яднанне «Белавежа»
Узнагароды

Жыццяпіс

Нарадзіўся ў сялянскай сям’і. У 1943—1944 гадах быў парабкам у вёсцы Елянка. Пасля Другой сусветнай вайны служыў у Корпусе ўнутранай бяспекі, ваяваў, быў паранены. Займаўся на курсах разведчыкаў (Вроцлаў, 1950—1951). Працаваў у Варшаве (1951—1960). Вучыўся ў школе контрразведкі (Легіянова, 1960—1961). Зноў працаваў у Варшаве. Скончыў эканамічны тэхнікум (1961). У 1962 годзе пераведзены ў Беласток. У 1969 годзе выйшаў у адстаўку. Сябра Беларускага літаратурнага аб’яднання «Белавежа». Кандыдат у сябры Саюза польскіх літаратараў з 1987 года.

Узнагароджаны польскімі ордэнамі Кавалерскі крыж ордэна Адраджэння Польшчы, Залатым Крыжам заслугі, Крыжам партызанскім, Сярэбраным Крыжам заслугі, медалямі, савецкім ордэнам Айчыннай вайны II ступені.

Заслужаны дзеяч культуры Польшчы (1988). У польскім друку выступае з 1961 года. Першае апавяданне на беларускай мове надрукаваў у 1975 годзе. (газета «Ніва»).

Пахаваны на праваслаўных могілках у раёне Дайліды ў Беластоку.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Васіль Петручук (нявызн.).
• У Беластоку пахавалі пісьменніка Васіля Петручука (нявызн.)(недаступная спасылка). Архівавана з першакрыніцы 19 верасня 2020.