Вышэйшая навучальная ўстанова
Вышэйшая навучальная ўстанова (ВНУ) — навучальная ўстанова, якая дае вышэйшую прафесійную адукацыю і ажыццяўляе навуковую дзейнасць. Вылучаюць дзяржаўныя і прыватныя ВНУ.
Кожная вышэйшая навучальная ўстанова мае статут і з’яўляецца аўтаномным суб'ектам прававых адносін. ВНУ павінна мець ліцэнзію, якая дае права на адукацыйную дзейнасць. Для таго, каб мець права выдаваць выпускнікам ВНУ дыплом дзяржаўнага ўзору, навучальная ўстанова павінна быць акрэдытавана. Навучанне ў ВНУ звычайна цягнецца ад 4 да 6 гадоў і бывае дзённым, вячэрнім і завочным.