Вінгсьют (англ.: wingsuit «касцюм-крыло» ад wing «крыло» + suit «касцюм») — спецыяльны касцюм-крыло, канструкцыя якога дазваляе набягаючым патокам паветра напаўняць крылы паміж нагамі, рукамі і целам пілота, ствараючы тым самым аэрадынамічны профіль. Гэта дае магчымасць выконваць плануючыя палёты. Сусветны рэкорд далёкасці палёту ў вінгсьюце, зафіксаваны ў кнізе Гінеса, складае 30,4 км. Сучасныя вінгсьюты таксама дазваляюць набіраць вышыню ў палёце (пры ўмове, што перад гэтым пілот разаўе дастатковую гарызантальную хуткасць).

Пры палётах у вінгсьюце для прызямлення выкарыстоўваецца парашут, таму яны лічацца разнавіднасцю парашутызму.