ААТ «ВІСТАН» — прадпрыемства па вытворчасці круглашліфавальных, цэнтравых і бесцэнтравых станкоў, зубаапрацоўчых, апрацоўчых цэнтраў з ЛПК, такарных, спецыяльных, міні, дрэваапрацоўчых станкоў. Знаходзіцца ў горадзе Віцебск.

Дырэктары правіць

  • Уладзімір Паўлавіч Туравінаў (1999-2006)
  • Валерый Іванавіч Коршак (2006-2019)
  • Дзмітрый Уладзіміравіч Навацкі (2020-2021)
  • Васіль Міхайлавіч Каліненка (з 2021)

Гісторыя правіць

Армейскія майстэрні былі арганізаваны ў канцы 1914 года. У красавіку 1918 года майстэрні былі пераўтвораны ў завод сельскагаспадарчых машын, які ў хуткім часе стаў адным з асноўных пастаўшчыкоў абсталявання для сельскай гаспадаркі Беларусі.

У 1931 годзе быў перададзены ў падчыненне Народнага камісарыята станкабудаўнічай прамысловасці СССР. Першыя станкі былі сабраны ў пачатку 1932 года. Гэта былі паліравальныя станкі мадэлі 385А.

У гады Вялікай Айчыннай вайны завод быў эвакуіраваны ў г. Арэнбург, дзе восенню 1941 года выпускаў боепрыпасы для фронту. У 1944 годзе адразу ж пасля вызвалення горада пачалося аднаўленне завода і яго спецыялізацыя па выпуску бясцэнтравашліфавальных, плоскашліфавальных, заточных і шараапрацоўчых станкоў. У маі 1945 года даў першую прадукцыю ліцейны цэх. У 1948 годзе завод перайшоў на выпуск больш складанай прадукцыі. У 1960 годзе рашэннем урада была вызначана агульная рэканструкцыя завода і яго спецыялізацыя. Было прынята рашэнне пра выпуск бясцэнтравашліфавальных станкоў універсальных і спецыяльных.

22 лістапада 2002 года Загадам Міністэрства прамысловасці РБ адбылася рэарганізацыя «Віцебскага станкабудаўнічага завода „ВІСТАН“ імя С. Кірава» шляхам далучэння да яго «Віцебскага завода імя Камінтэрна». Новая структура носіць назву "Віцебскі станкабудаўнічы завод «ВІСТАН».

Літаратура правіць

  • Віцебскі станкабудаўнічы завод «Вістан» // Памяць: гісторыка-дакументальная хроніка Віцебска : у 2 кн. / рэдкал.: Г. П. Пашкоў [і інш.]; склад. А. І. Мацяюн; маст. Э. Э. Жакевіч. — Мн., 2003. — Кн. 2. — С. 459.