Галоўпаштамт (Брэст)

Галоўпаштамп — гістарычны будынак у цэнтры Брэста, у якім месціцца адзяленне паштовай сувязі № 40. Адметнай рысай з’яўляецца тое, што будынак на працягу ўсяго свайго існавання не змяняў свайго прызначэння. Адзін з самых старых будынкаў у Брэсце.

Пошта
Галоўпаштамт
52°05′11″ пн. ш. 23°41′26″ у. д.
Краіна	Беларусь
Горад	Брэст
Месцазнаходжанне	праспект Машэрава, 32
Статус	Гісторыка-культурная каштоўнасць Беларусі, шыфр 113Г000018
Матэрыял	цэгла
Стан	дзейнічае

Гісторыя

У сувязі з будаўніцтвам Брэсцкай крэпасці, у 1840-х горад быў перанесены на ўсход. Адразу паўстала пытанне пра будаўніцтва паштовай станцыі. Тагачасныя паштовыя станцыі мелі шэраг функцый — гасцініца, рэстаран, невялікая канюшня. Месца для будаўніцтва было абрана невыпадкова, бо тут праходзіла яшчэ раней пракладзеная дарога на усход, з якой і пачалася сетка гарадскіх вуліц. Побач быў пабудаваны будынак казначэйства. Пазней, у сярэдзіне 1860-х, насупраць паштовай станцыі паўстаў Свята-Сімяонаўскі сабор, такім чынам утварыў даволі шырокую плошчу.

У канцы XIX стагоддзя паштовая станцыя называлася паштова-тэлеграфнай канторай.

Пры адступленні расійскай імператарскай арміі гэта адзін з нешматлікіх будынкаў, які не быў зруйнаваны.